Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 159r

Owain

159r

645

mal y hadnabu y marchaỽc panyỽ
gỽalchmei oed. Ac yna y dywaỽt ow+
ein. arglỽyd|walchmei nyt atwae+
nỽn i didi o achaỽs dy gỽnsaỻt a|m
kefynderỽ ỽyt. hỽde|di uyg|kledyf|i
a|m harueu. Tidi owein yssyd arglỽ+
yd heb·y gỽalchmei. a thi a oruu. a
chymer di vyg|cledyf|i. ac ar hynny
yd|arganuu arthur ỽynt. a|dyuot at+
tunt a|oruc. Arglỽyd arthur heb·y
gỽalchmei ỻyma owein. gỽedy gor+
uot arnaf|i. ac ny mynn uy|arueu y
gennyf. Arglỽyd heb·yr|owein euo
a|oruu arnaf|i. ac ny mynn vyg|cledyf.
Moessỽch attaf|i heb·yr arthur aỽch
clefydeu. ac ny oruu yr vn ohonaỽch
ar y|gilyd gan hynny. a mynet dỽy+
laỽ mynỽgyl y arthur a|oruc owein.
ac ymgaru a|orugant. a dyuot a|oru+
gant y ỻu attunt yna gan ymsag
a ỽrys y geissaỽ gỽelet owein. y|uy+
net dỽylaỽ mynỽgyl idaỽ. Ac ef a|uu
agos a bot kalaned yn|yr ymsag hỽn+
nỽ. A|r nos honno yd aethant y eu pe+
byỻeu. A thrannoeth arofyn a|o+
ruc arthur ymeith. arglỽyd heb+
yr owein nyt ueỻy y mae iaỽn itt.
teir blyned y|r amser hỽnn y deuth+
um i y ỽrthyt ti arglỽyd. ac y|mae
y meu i y ỻe hỽnn. Ac yr hynny
hyt hediỽ yd|wyf|i yn darparu gỽled
ytti. kan gỽydỽn y dout ti y|m
keissaỽ. a|thi a|deuy gyt a mi y vỽrỽ
dy|ludet ti a|th|wyr. ac enneint a
geffỽch. A dyuot a|orugant oỻ hyt
yg|kaer iarỻes y ffynnaỽn. Y·gyt
a|r wled y buỽyt deir blyned yn|y
darparu. yn un trimis y treulỽyt.
Ac ny|bu esmỽythach udunt wled
eiryoet na gỽeỻ no honno. Ac
yna arofyn a|oruc arthur ymeith.
a|gyrru kennadeu a|oruc arthur
att yr yarỻes y erchi idi eỻỽng
owein ygyt ac ef o|e|dangos y wyr+
da ynys prydein. a|e gỽragedda vn
trimis. a|r iarỻes a|e kanhadaỽd

646

ac anhaỽd uu genthi hynny. A dyfot
a|oruc owein ygyt ac arthur y ynys
prydein. A gỽedy y dyuot ymplith y
genedyl a|e gyt·gyfedachỽyr. ef a|tri+
gywys teir blyned ygkyfeir y trimis.
A C ual yd oed owein diwarnaỽt
yn bỽyta ar y bỽrd yg|kaer
ỻion ar wysc. nachaf uorỽyn
yn|dyuot ar uarch gỽineu mynggry+
ch. a|e vyghen a gaffei. a gỽisc ymdanei
o bali melyn. A|r ffrỽyn ac a|welit o|r
kyfrỽy eur oed oỻ. a hyt rac bronn
owein y|deuth. a chymryt y uotrỽy
oed ar laỽ owein a|wnaeth. Val hynn
heb hi y gỽneir y tỽyỻỽr vratỽr aghy+
wir yr mefyl ar dy uaryf. Ac ymcho+
elut penn y march ac ymeith. ac y+
na y doeth cof y owein y gerdet honno.
A thristau a|oruc. a|phan|daruu bỽyta
dyuot y letty a|oruc. a gofalu y nos
honno. A thrannoeth y kyuodes. ac
nyt y|ỻys a|gyrchỽys. namyn eithafo+
ed bydoed. a diffeith vynyded. ac ef a
uu ueỻy yny daruu y diỻat oỻ. ac y+
ny daruu y gorff hayach. Ac yny tyf+
aỽd bleỽ hir trỽydaỽ. ac chyt·gerdet a|ỽ+
naei a|bỽystuileit. a|chyt·ymborth ac
ỽynt yny oedynt gynefin ac ef. ac yn
hynny gỽanhau a|oruc ef heb aỻu eu
kanhymdeith. Ac estỽng o|r mynyd
y|r dyffrynn. a chyrchu parc teccaf
o|r byt. a iarỻes wedỽ bioed y parc.
A diwarnaỽt mynet a|oruc y iarỻes
a|e ỻaỽ·uorynyon y orymdeith gan ystlys
ỻynn a|oed yn|y parc hyt ar gyfeir y
chanaỽl. Ac ỽynt a|welynt yno eilun
dyn a|e|delỽ. ac ual dala ofyn racdaỽ a|o+
rugant. Ac eissoes nessau a|orugant
attaỽ a|e deymlaỽ a|e edrych. Sef y|gỽe+
lynt gỽythi yn ỻaỽn ar·naỽ. Ac yntev
yn gỽywaỽ ỽrth yr heul. A|dyuot a|o+
ruc yr iarỻes drachefyn y|r kasteỻ. a
chymryt ỻoneit gorflỽch o|ireit gỽer+
thuaỽr. a|e rodi yn ỻaỽ un o|r ỻaỽ·uo+
rynyon. Dos heb hi a hỽnn gennyt
a|dỽc y march racko a|r|diỻat gennyt.