LlGC Llsgr. Peniarth 4 (Llyfr Gwyn Rhydderch, rhan 2) – tudalen 17r
Y drydedd gainc
17r
65
ỽedẏ eu colli heb ỽẏbot dim ẏ|ỽrth ̷ ̷+
unt onẏt ỽẏll pedỽar. Oẏ a arglỽẏd
duỽ heb·ẏ|manaỽẏdan mae ẏni ̷+
uer ẏ|llẏs ac ẏn anniuer ninheu
namẏn hẏnn. aỽn ẏ|edrẏch. dẏuot
ẏ|r ẏneuad a|ỽnaethant nit oed
neb. kẏrchu ẏr ẏstauell a|r hundẏ
nẏ ỽelẏnt neb. Ẏ|medgell nac ẏg ̷
kegin nit oed namẏn diffeithỽch.
Dechreu a|ỽnaethant ẏll pedỽar
treulaỽ ẏ|ỽled. a|hela a|ỽnaethant
a chẏmrẏt eu digriuỽch a|dechreu
a|ỽnaeth pob un o·honunt rodẏaỽ
ẏ|ỽlat a|r kẏuoeth ẏ edrẏch a|ỽelẏ+
nt aẏ tẏ aẏ kẏuanhed. a neb rẏỽ
dim nẏ ỽelẏnt eithẏr guẏdlỽdẏn.
a guedẏ treulaỽ eu gỽled ac eu dar+
merth ohonunt. dechreu a|ỽnaeth+
ant ẏmborth ar kic hela a|phẏscaỽt
a|bẏdaueu. ac ẏuellẏ blỽẏdẏn a|r
eil a|dreulẏssant ẏn digrif gantunt.
ac ẏn|ẏ diỽed dẏgẏaỽ a|ỽnaethant.
Dioer heb·ẏ|manaỽẏdan nẏ bẏdỽn
ual hẏnn. Kẏrchỽn loẏgẏr a|cheis ̷+
sỽn greft ẏ caffom ẏn ẏmborth.
kẏrchu lloẏgẏr a|orugant. a|dẏuot
hẏt ẏn henford. a|chẏmrẏt arnunt
gỽneuthur kẏfrỽẏeu. a|dechreu
a ỽnaeth ef uanaỽẏdan llunẏaỽ ̷ ̷
corueu. ac eu lliỽaỽ ar ẏ ỽed ẏ guel ̷+
sei gan lassar|llaes gẏgnỽẏt a chalch
llassar. a|gỽneuthur calch lassar rac ̷+
daỽ ual ẏ|gỽnathoed ẏ gỽr arall.
ac ỽrth hẏnnẏ ẏ gelỽir etỽa calch
llassar. am ẏ|ỽneuthur o lassar llaes
gẏgnỽẏt. ac o|r gueith hỽnnỽ tra
66
geffit gan uanaỽẏdan nẏ phrẏ+
nit gan gyfrỽẏd dros ỽẏneb hen+
ford na chorẏf na chẏfrỽẏ. ac ẏnẏ
adnabu pob un o|r kẏfrỽẏdẏon ẏ
uot ẏn colli o|ẏ henill. ac nẏ frẏnit
dim ganthunt o·nẏt guedẏ na
cheffit gan uanaỽẏdan. ac ẏn hyn ̷+
nẏ ẏm·gẏnullaỽ ẏgẏt ohonunt.
a|duunaỽ ar ẏ lad ef a|ẏ gedẏmdeith
ac ẏn hẏnnẏ rẏbud a|gaỽssont
ỽẏnteu. a chẏmrẏt kẏnghor. am
adaỽ ẏ|dref. Erof|i a duỽ heb·ẏ
prẏderi ni chẏnghoraf|i adaỽ
ẏ|dref. namẏn llad ẏ taẏogeu
racco. Nac ef heb·ẏ|manaỽẏdan
bei ẏmladem ni ac ỽẏntỽẏ clot
drỽc uẏdei arnam ac ẏn carcha+
ru a|ỽneit. Ẏs guell in heb ef kẏr+
chu tref arall e|ẏmossẏmdeithaỽ
ẏndi. ac ẏna kẏrchu dinas arall.
a ỽnaethant ẏll pedỽar. Pa gel+
uẏdẏt heb·ẏ prẏderi a|gẏmerỽn
ni arnam. Gỽnaỽn tarẏaneu
heb·ẏ|manaỽẏdan. a ỽdom nin+
heu dim ẏ ỽrth hẏnnẏ heb·ẏ
prẏderi. Ni a|ẏ prouỽn heb ẏn+
teu. Dechreu gỽneuthur
gueith ẏ tarẏaneu eu llunẏ+
aỽ ar|ỽeith tarẏaneu da ỽel+
sẏnt. a dodi ẏ lliỽ a|dodẏssẏnt
ar ẏ kẏfrỽẏeu arnunt. a|r gỽ+
eith hỽnnỽ a|lỽẏdỽẏs racdunt
hẏt na phrẏnit tarẏan ẏn ẏr
holl dref onẏt guedẏ na cheffit
ganthunt ỽẏ. Kẏflẏm oed eu
gueith ỽẏnteu a|diuessur a|ỽ+
| « p 16v | p 17v » |