Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 74v

Ystoria Carolo Magno: Chronicl Turpin

74v

65

ban |ỽyf|i heb·y rolond nei y|char+
lys. O ba dedyf yd henyỽ y freinc
heb·y ferracut. O|dedyf cristono+
gaỽl y pan ym ni o rat dyỽ heb+
y|rolont. ac y bendeuigaeth crist
y darestygỽn. a thros y|dedyf hyt
y gallom yd amryssonỽn. a phan
gigleu y pagan enỽi crist y|go  ̷+
uynnỽys yntev pỽy y grist y|cre+
dy di idaỽ. Mab duỽ heb·y|ro  ̷ ̷+
land yr hỽnn a|anet o|r ỽyry.
ac a|diodefaỽd yn|y groc. ac a
gladỽyt y|med. a|r trydyd dyd y
kyuodes o|veirỽ. a|thrachefyn
yd|aeth ar dehev duỽ. Nynhev
a gredỽn heb y caỽr pan yỽ. vn
duỽ yỽ creaỽdyr nef a|dayar.
ac na bu idaỽ na mab na|that.
namyn megys na enis neb
euo. ac euo neb. Ac ỽrth  ̷
hynny y|vot yntev yn vn duỽ
ac nyt ynt yn dri. Gỽir a|dyỽe+
dy heb·y rolond y|uot ef yn vn
duỽ. pan dyỽetych hagen na tri
ef yd|ỽyt yn cloffi y|d* fyd. O|ch+
redy ti yn|y tat cret yn|y mab.
ac yn|yr yspryt glan. Canys du+
ỽ tat yỽ ef. A mab. ac yspryt
glan. vn duỽ. teir person. Os tat
y|dyỽedy di heb ferracut bot du  ̷+
ỽ. a|r mab yn duỽ. a|r yspryt
glan yn duỽ. tri duỽ ynt yr
hynn nyt gỽir ac nyt vn duỽ.
Nac ef heb·y|rolond namyn vn
vn duỽ. ac yn tri y|pregethaf yn  ̷+
hev y euo. ac vn yỽ. a|thri. Y|te  ̷+

66

ir person gogyuoet yn a gogy+
ffelyp. Vn ryỽ y|tat. ac vn ryỽ
y|mab. ac vn ryỽ yr yspryt
glan. Yn|y personev y|mae prio+
dolder. ac yn dỽyolyaeth y
mae vnolder. ac yn|y medy+
ant y|mae kyphelybrỽyd. vn
duỽ trindaỽt a|adolant yr
egylyon yn|y nef. a thri a|ỽe+
las abraham ac ef a|adoles.
Dangos ym hynny heb y caỽr
pa delỽ y mae y|tri yn vn. Dan+
gossaf yt heb·y rolond trỽy y
creaduryeit dayraỽl. Megys
y|mae tri pheth yn|y delyn
pan vo yn canu. nyt amgen.
keluydyt. a thannev. a llaỽ.
ac eissoes vn delyn yỽ. val hyn+
ny y|mae tri pheth yn duỽ.
tat. a mab. ac yspryt glan.
ac vn duỽ yỽ. Ac val y mae
yn|yr a·mandlys tri pheth. nyt
amgen. risclin. a|phliscin. a
chneỽillin. ac eissoes vn aman+
dlys yỽ. Val hynny y|mae te+
ir person yn vn duỽ. Yn|yr heul
y|mae tri pheth. Gỽynn. ac e  ̷+
glur. a gỽressaỽc yỽ. ac eisso+
es vn heul yỽ. Yn olỽyn y venn
y|mae tri pheth. both. a|brei+
cheu. a|chylch. ac eissoes vn
olỽyn yỽ. ynot dy hun y mae
tri pheth. Corff. ac aelodeu.
ac eneit. ac eissoes vn dyn
ỽyt. Val hynny y|mae duỽ
yn vn ac yn tri. Ny ỽn. i. ha+