Rhydychen, Llsgr. Coleg yr Iesu 111 (Llyfr Coch Hergest) – tudalen 165r
Peredur
165r
669
teu a|gyfodes ac a|gyrchỽys y weirglaỽd.
Sef yd|oed marchaỽc yn marchogaeth
yn ryuygus yn|y weirglaỽd gỽedy dyr+
chafel arwyd ymwan. Ac yna ymwan a|o+
rugant. A pheredur a vyryaỽd y marchaỽc
dros pedrein y varch y|r ỻaỽr. Ac yn|diw+
ed y dyd ef a|deuth marchaỽc arbennic
y ymwan ac ef. a bỽrỽ hỽnnỽ a|oruc pere+
dur. Naỽd a|erchis hỽnnỽ. Pỽy ỽyt ti heb+
y peredur. Dioer heb ef penteulu y iarỻ.
Beth yssyd o gyfoeth y iarỻes y|th ue+
dyant ti. Dioer heb ef y trayan. Jeu
heb ef eturyt idi draean y|chyuoeth yn
ỻỽyr. ac a geueist o|da o·honaỽ a bỽyt kan+
ỽr. ac eu|ỻynn ac eu meirch ac eu harueu
heno yn|y|ỻys iddi. a thitheu yn garchar+
aỽr idi eithyr na bydy eneit·uadeu. a hyn+
ny a|gahat yn|diannot. A|r uorỽyn y
nos honno yn hyfryt lawen. gỽedy caf+
fel kỽbyl o hynny. A|thrannoeth peredur
a|gyrchỽy* y weirglaỽd. a|ỻuossogrỽyd
ohonunt a vyryaỽd ef y dyd hỽnnỽ.
Yn|diwed y dyd hỽnnỽ ef a|deuth marcha+
ỽc ryuygus arbennic. a bỽrỽ hỽnnỽ a|o+
ruc peredur. a naỽd a|erchis hỽnnỽ y peredur. Pa
vn ỽyt titheu heb·y peredur. Distein ỻys
heb ef. Beth heb·y peredur. yssyd o|gyuoeth
y uorỽyn yn veu ytti. Trayan y kyuo+
eth heb ef. Jeu heb·y peredur. y kyuoeth y|r vo+
rỽyn. ac a|geueist o da o·honaỽ yn ỻwyr.
a bỽyt deukannỽr ac eu ỻynn ac eu
meirch ac eu|harueu. a thitheu yn
garcharaỽr idi. a hynny ynn diannot
a gahat. a|r trydyd dyd y deuth peredur. y|r
weirglaỽd. a mỽy a vyryỽys ef y dyd
hỽnnỽ noc undyd. Ac yn|diwed y|dyd
ef a|doeth iarỻ y ymwan idaỽ. ac ef a|e
byrywys a naỽd a|erchis ynteu. Pỽy
ỽyt titheu heb·y peredur. Mi y Jarỻ heb ef
nyt ymgelaf. Jeu heb·y peredur. y hyarỻaeth
yn|gỽbỽl y|r vorỽyn. a|th iarỻaeth tith+
eu heuyt yn achwanec. a bỽyt trych+
channỽr ac eu ỻynn ac eu harueu ac
eu meirch. a thitheu yn|y medyant.
Ac ueỻy y bu yn|gỽbỽl. Ac y trigyaỽd
peredur. teir wythnos yn peri teyrnget a da+
670
restyngedigaeth y|r uorỽyn a|r kyuoth*
ỽrth y chyghor. gan dy genyat heb+
y peredur. mi a|gychỽynnaf ymeith. Ae
hynny vy|mraỽt a vynny. Jeu myn
vyg|cret. a|phei na bei o garyat ar+
nat ti ny bydỽn yma hyt y bum.
Eneit heb hi pa vn ỽyt titheu.
Paredur uab efraỽc o|r gogled. ac o|r
daỽ na|gofut arnat nac enpytrỽyd.
manac attaf. a mi a|ch amdiffynn+
af os gaỻaf. Odyna kychwyn a|o+
ruc peredur. ac ympeỻ odyno ef a|gyfer+
uyd marchoges ac ef. a march
achul gochỽys y·danei. a chyuarch
gỽeỻ a|oruc hi y|r mackỽy. Pa le
pan|deuy di vy chwaer. Menegi a|o+
ruc idaỽ yr achaỽs yd|oed ar y kerdet
hỽnnỽ. sef oed honno gỽreic sybe+
rỽ y ỻannerch. Jeu heb ef mi yỽ y
marchaỽc y keueist di y gofut hỽnn
o|e achaỽs. Ac ediuar vyd y|r neb a|e
gỽnaeth. ar hynny ỻyma y march+
aỽc yn|dyuot ac yn|amovyn a pheredur. a|w+
elsei ef y kyfryỽ uarchaỽc yd|oed ef
yn|y geissaỽ. Taỽ a|th son heb·y peredur
mi yd wyt yn|y geissaỽ. Ac myn|vyg
kret drỽc ỽyt a|r deulu ỽrth y vorỽyn
achaỽs gỽiryon yỽ o·honaf|i. Ymw+
an eissoes a|orugant. Ac ny bu hir
yr ymwan peredur. a|uyryaỽd y marcha+
ỽc. a naỽd a|erchis ynteu y beredur.
Naỽd a|geffy heb·y peredur. gan vynet
dracheuyn y ford y deuthost y vene+
gi kaffel y vorỽyn yn|wirion. ac yn
wynabwerth idi hitheu dy vỽrỽ o+
honaf i. Y gret ar hynny a|rodes y
marchaỽc. Ac ynteu peredur a|gerdaỽd
racdaỽ. ac ar vynyd y ỽrthaỽ ef a
welei gasteỻ. a|pharth ac yno y
deuth. a gỽan y porth a|oruc a|e wa+
ew. ar hynny ỻyma was gỽineu
telediỽ yn|agori y porth. a meint
milỽr yndaỽ. ac oedran mab arnaỽ.
a|phan|deuth peredur. y|r neuad. yd oed gỽ+
reic vaỽr delediỽ yn|eisted y myỽn kade+
ir. a|ỻawuorynyon yn|amyl yn|y
[ chylch.
| « p 164v | p 165v » |