Rhydychen, Llsgr. Coleg yr Iesu 111 (Llyfr Coch Hergest) – tudalen 170v
Peredur
170v
691
1
ac yn|y dyffryn y gỽelei kaer a|ỻys uaỽr yn|y
2
gaer a thyreu aruchelualch yn|y chylch. ac
3
ef a|welei varchaỽc yn dyuot y|r porth aỻan y
4
hela y ar balffre gloewdu ffroenuoỻ ymdeithic.
5
a|rygig wastatualch escutlym di·dramgỽyd
6
gantaỽ. Sef oed hỽnnỽ y gỽr bioed y ỻys.
7
Kyuarch gweỻ a|wnaeth gỽalchmei idaỽ.
8
Duỽ a|rodo da itt un·benn. a|phan|doy ditheu.
9
Pan|deuaf heb ef o|lys arthur. ae gỽr y|arthur
10
ỽyt|ti. Je myn vyg|cret heb·y|gỽalchmei. Mi a|ỽnn
11
gyghor da itt heb y marchaỽc. Blin a|ỻudedic
12
y|th welaf Dos y|r ỻys ac yno y trigyy heno os
13
da gennyt. da arglỽyd a|duỽ a|dalho itt. hỽde
14
vodrỽy yn|arỽyd att y porthaỽr. a|dos ragot
15
y|r tỽr racco. a|chwaer yssyd y minheu yno.
16
Ac y|r|porth y|doeth gỽalchmei. a|dangos y
17
votrỽy a|wnaeth a|chyrchu y tỽr. a|phan|doeth
18
y myỽn. yd|oed ffyryfdan maỽr yn|ỻosgi. a|fflam
19
oleu uchel divỽc ohonaỽ. a morỽyn uaỽrhydic
20
delediỽ yn|eisted y|myỽn kadeir ỽrth y tan. A|r
21
uorỽyn a|vu lawen ỽrthaỽ a|e ressaỽu a|oruc. a
22
chychwynnv yn|y erbyn. ac ynteu a|aeth y
23
eisted ar neiỻ laỽ y uorỽyn. eu|kinyaỽ a gymer+
24
assant. A|gỽedy eu|kinyaỽ dala ar ymdidan
25
hygar a|orugant. a|phan yttoedynt ueỻy. ỻyma
26
yn|dyuot y|myỽn attunt gỽr gỽynỻỽyt telediỽ.
27
Oi a achenoges butein heb ef. pei gỽyput ti iaỽ+
28
net itt chware ac eisted ygyt a|r gỽr hỽnnỽ.
29
nyt eistedut ac ny chwaryut. a|thynnu y benn
30
aỻann ac ymeith. Ha vnbenn heb y uorỽyn pei
31
gỽnelut vyg|kyghor rac ofyn bot pyt gan y gỽr
32
itt. ti a|gaeut y drỽs. Gwalchmei a|gyuodes y
33
vynyd. a|phan|daỽ tu a|r drỽs. yd|oed y gỽr ar y
34
trugeinuet yn ỻaỽn aruaỽc yn|kyrchu y tỽr y
35
uynyd. Sef a|oruc gỽalchmei a chlaỽr gỽydbỽyỻ
36
diffryt rac dyuot neb y uynyd o·nadunt yny do ̷+
37
eth y gỽr o|hela. Ar hynny ỻyma y iarỻ yn|dyuot.
38
Beth yỽ hynn heb ef. Peth hagyr heb y gỽr
39
gỽynỻỽyt. bot yr achenoges racko yn eisted edu ̷+
40
cher ac yn bỽyta gyt a|r gỽr a|ladaỽd awch tat.
41
a gỽalchmei uab gỽyar yỽ. Peitỽch beỻach
42
heb yr iarỻ miui a|af y myỽn. Y iarỻ a vu|lawen
43
ỽrth walchmei. Ha|vnbenn heb ef cam oed itt
44
dyuot y an llys o|r gỽyput lad an tat o·honat. Kyn
45
na allom ni y dial duỽ a|e dial arnat. Eneit heb+
46
y gwalchmei ỻyna ual y mae am hynny. nac y
692
1
adef ỻad aỽch|tat chỽi nac y|diwat ny|deuthum
2
i. Neges yd ỽyf|i yn mynet y arthur. ac ym+
3
y|hun. archaf i oet vlỽydyn hagen yny delỽyf
4
o|m neges. ac yna ar vyg|cret vyn|dyuot y|r
5
ỻys honn y wneuthur vn o|r|deu ae adef ae wadu.
6
Yr|oet a|gauas yn|ỻawen. ac yno y|bu y|nos hon+
7
no. Trannoeth kychwyn ymeit* a oruc. ac ny
8
dyweit yr ystorya am|walchmei hỽy no hynny
9
yn|y gyueir honno. A pheredur a|gerdaỽd
10
racdaỽ. Crỽytraỽ yr ynys a|wnaeth peredur.
11
y geissaỽ chwedylyaeth y ỽrth y uorỽyn|du. ac
12
ny|s kauas. ac ef a|deuth y|dir ny|s atwaenyat
13
y|myỽn dyffryn avon. ac ual yd yttoed yn|kerdet
14
y|dyffrynn. ef a|welei varchaỽc yn|dyuot yn|y
15
erbyn. ac arỽyd balaỽc arnaỽ. ac erchi y
16
vendyth a|wnaeth. Och a|truan heb ef ny
17
dylyy gaffel bendyth. ac ny phrỽytha itt. am
18
wisgaỽ arueu dyd kyuuch a|r dyd hediỽ. a
19
pha|dyd yỽ hediỽ heb·y peredur. Dỽ gỽener y
20
croclith yỽ hediỽ. Na|cheryd ui ny|wydỽn i hyn+
21
ny. blỽydyn y hediỽ y kychwynneis o|m gỽlat.
22
ac yna disgynn y|r|ỻaỽr a|wnaeth ac arwein y
23
uarch yn|y|laỽ. a thalym o|r prifford a|gerdaỽd
24
yny gyuaruu ochelfford. ac y|r ochelfford trỽy
25
y coet. a|r parth araỻ y|r coet. ef a|welei gaer
26
voel ac arwyd kyuanned a|welei o|r gaer. a
27
pharth a|r|gaer y doeth. ac ar borth y gaer
28
y kyuaruu ac ef y balaỽc a gyuaruuassei
29
ac ef kyn|no hynny. ac erchi y vendyth a oruc.
30
Bendyth duỽ itt heb ef. a iaỽnach yỽ kerdet
31
ueỻy. a|chyt a|mi y|bydy heno. a thrigyaỽ
32
a|wnaeth peredur y nos honno yno. Trannoeth
33
arofun a|wnaeth peredur ymeith. Nyt
34
dyd hediỽ y neb y gerdet. ti a vydy gyt a|mi
35
hediw. ac avory a|thrennyd. a mi a|dywedaf
36
itt y kyuarwydyt goreu a|aỻwyf am yr hynn
37
yd wyt yn|y geissaỽ. a|r|pedwyryd dyd aro ̷+
38
fun a|wnaeth peredur y ymdeith. ac adolỽyn y|r
39
balaỽc dywedut kyfarwydyt y|ỽrth gaer
40
yr enryuedodeu. Kymeint ac a|wypỽyf|i
41
mi a|e dywedaf itt. Dos dros y|mynyd
42
racko. a thu|hỽnt y|r mynyd y mae afon.
43
ac yn|dyffrynn yr avon y mae|ỻys brenhin.
44
ac yno y|bu y|brenhin y pasc. ac o|r keffy
45
yn|vnỻe chwedyl y ỽrth gaer yr enryuedo+
46
deu. ti a|e|keffy yno. Ac yna y kerdaỽd peredur
« p 170r | p 171r » |