Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 185r

Y drydedd gainc

185r

748

1
eith. Meuyl ymi heb ef pei as caffỽn i oỻ ỽynt
2
ony|s|crogrỽn*. ac a|geueis mi a|e crogaf. Je ar+
3
glỽyd heb hi nyt oes achaỽs ymi y uot yn borth
4
y|r pryf hỽnnỽ. namyn goglyt ansyberỽyt yti.
5
a|gwna ditheu dy ewyỻys arglỽyd. Bei|gỽy+
6
pỽn ninheu defnyd yn|y|byt y dylyut titheu bot
7
yn borth idaỽ ef. mi a|vydỽn ỽrth dy gynghor
8
amdanaỽ heb·y manaỽydan. a chanys ny|s
9
gỽnn arglỽydes. medỽl yỽ gennyf y|diuetha.
10
a gỽna ditheu yn ỻawen heb hi. ac yna y kyr+
11
chỽys ef orsed arberth a|r|ỻygoden gantaỽ. a
12
sengi dỽy fforch yn|y|ỻe uchaf yn|yr orsed. ac
13
ual y byd ueỻy ỻyma y gỽelei yscolheic yn|dy+
14
uot attaỽ. a hen diỻat hydreul tlaỽt ymda+
15
naỽ. ac neut oed seith mlyned kyn|no|hynny
16
yr pan welsei ef na|dyn na mil eithyr y pe+
17
dwar|dyn y buassynt ygyt yny goỻes y
18
deu. Arglỽyd heb yr yscolheic dyd da itt. Duỽ
19
a|rodho da itt a gressaỽ ỽrthyt heb ef. Pan|doy
20
di yr yscolheic heb ef. Pan|doaf arglỽyd o|loy+
21
gyr o ganu. A phaham y gouynny di arglỽ+
22
yd heb ef. am na weleis heb ef yr ys seith mly+
23
ned undyn onyt pedwar|dyn ditholedic a|thi+
24
theu yr aỽr honn. Je arglỽyd heb ef mynet
25
trỽy y wlat honn yd wyf inheu yr aỽr honn
26
parth a|m gỽlat vy hvn. a|pha|ryỽ weith yd
27
wyd yndaỽ arglỽyd. Crogi ỻeidyr a geueis
28
yn|ỻetratta arnaf heb ef. Pa ryỽ leidyr ar+
29
glỽyd heb yr yscolheic. pryf a|welaf y|th laỽ
30
di ual ỻygoden. a|drỽc y gỽeda y ỽr kyfurd a
31
thydi teimlaỽ pryf kyfryỽ a|hỽnnỽ. geỻỽng
32
ymeith ef. Na|eỻyngaf y·rof a|duỽ heb ynteu.
33
yn|ỻetratta arnaf y keueis i ef. a chyfreith llei+
34
dyr a|wnaf inheu ac ef. y grogi. arglỽyd heb
35
ynteu rac gỽelet gỽr kyfurd a|thidi yn|y gỽ+
36
eith hỽnnỽ. punt a|geueis i o gardotta
37
mi a|e rodaf itti a geỻỽng y pryf hỽnnỽ ym+
38
eith. Na eỻyngaf yrof a|duỽ ac ny|s gỽ+
39
erthaf. Gỽna di arglỽyd heb ef ony bei
40
rac gỽelet gỽr kyfurd a|thidi yn|teimlaỽ y
41
ryỽ bryf hỽnnỽ ny|m|torey i. ac ymeith
42
yd aeth yr yscolheic. val y byd ynteu ynteu
43
yn dodi y|dulath yn|y ffyrch. nachaf offeirat
44
yn|dyuot attaỽ ar uarch yn gyweir. ar+
45
glỽyd dyd|da itt heb ef. Duỽ a|rodho da itt
46
heb·y manaỽydan. a|th uendith. Bendyth|duỽ

749

1
itt. a pha ryỽ arglỽyd yd ỽyt yn|y wneuthur.
2
Crogi ỻeidyr a|geueis yn ỻetratta arnaf heb
3
ef. Pa ryỽ leidyr yỽ hỽnnỽ arglỽyd heb
4
ef. Pryf heb ynteu ar ansaỽd ỻygoden.
5
a|ỻetratta a|wnaeth arnaf. a|dihenyd ỻeidyr
6
a|wnaf ynneu arnaỽ ef. arglỽyd heb ynteu.
7
rac dy welet yn|teimlaỽ y pryf hỽnnỽ mi a|e
8
prynaf eỻwng ef. Y duỽ y dygaf vyg|kyffes
9
na|e werthu na|e eỻỽng na|s|gỽnaf i. Gỽir yỽ
10
arglỽyd nyt gỽerth arnaỽ ef dim. Eithyr
11
rac dy welet ti yn ymhalogi ỽrth y pryf hỽnnỽ.
12
mi a|rodaf itt teirpunt a|goỻỽng ef ymeith.
13
Na vynnaf y·rof|i a|duỽ heb ynteu vn gỽerth
14
yrdaỽ. namyn yr hỽnn a dyly y grogi. Yn|ỻaỽen
15
arglỽyd gỽna dy vympỽy. Ymeith yd|aet* yr
16
offeirat. Sef a|wnaeth ynteu maglu y|ỻinin
17
am vynỽgyl y ỻygoden. ac ual yd oed yn y dyr+
18
chauel. ỻyma rỽtter escob a|welei a|e sỽmereu
19
a|e niueroed. a|r esgob e|hun yn|kyrchu parth
20
ac attaỽ. Sef a|ỽnaeth ynteu gohir ar y weith.
21
arglỽyd esgob heb ef dy uendyth. Duỽ|a|rodho
22
y uendith itt heb ef. Pa ryỽ weith yd ỽyt ti yn+
23
daỽ. Crogi ỻeidyr a|geueis yn|ỻetratta arnaf
24
heb ef. Ponyt ỻygoden heb ynteu a|welaf|i
25
y|th laỽ di. Je heb ynteu. a ỻeidyr uu hi arnaf|i.
26
Je heb ynteu kan deuthum i ar|diuetha y
27
pryf hỽnnỽ mi a|e prynaf y gennyt. mi a|rodaf
28
seith punt itt yrdaỽ. ac rac gỽelet gỽr kyfurd
29
a|thi yn|diuetha pryf mor dielỽ a|hỽnnỽ goỻ+
30
ỽng ef a|r|da a geffy ditheu. Na|eỻynghaf y+
31
rof a|duỽ heb ynteu. Kan ny|s goỻynghy yr
32
hynny mi a|rodaf it pedeir|punt ar|hugeint
33
o aryant paraỽt a|geỻỽng ef. Na eỻyngaf
34
dygaf y|duỽ vyng|kyffes yr y gymeint araỻ
35
heb ef. Kan ny|s geỻ·yngy yr hynny heb ef
36
mi a|rodaf itt a|wely o veirch yn|y maes hỽnn.
37
a seith sỽmer yssyd yma a|r|seith meirch
38
y maent arnunt. Na vynnaf y·rof a|duỽ
39
heb ynteu. Kany mynny hynny gỽna yr
40
gỽerth a vynnych. Gỽnaf heb ynteu. ryd+
41
hau riannon a phryderi. Ti a|gey hynny
42
Na vynnaf yrof a|duỽ. Beth a|uynny di+
43
theu. Gỽaret yr hud a|r ỻetrith y|ar seith
44
cantref dyuet. Ti a|geffy hynny hevyt a
45
geỻ˄ỽng y ỻygoden. Na eỻyngaf y rof a|duỽ heb
46
ef. Gỽybot a uynnaf pỽy ef y llygoden.