Llsgr. Philadelphia 8680 – tudalen 40v
Brut y Brenhinoedd
40v
79
Yn|gynhebic y hynny. nin+
neu a|deissyfỽn deyrnget y
gantunt hỽy o|ruuein.
a|r kadarnaf o·honam ni
kymeret y gan y|ỻaỻ.
Canys o|r goresgynnaỽd
ulkessar ac amherodron
ereiỻ gwedy ef ynys prydein.
Ac o achaỽs hynny yr aỽr
honn holi teyrnget oho+
nei. Yn|gynhebic y hyn+
ny. Minne a|uarnaf dylyu
o ruuein talu teyrnget
y minneu. kanys vy ri+
eni ynneu gynt a|ores+
gynnassant ruuein.
Nyt amgen beli uab dyf+
ynwal gan ganhorthỽy
bran y uraỽt duc bỽrgỽ+
yn. gỽedy crogi pedwar
gỽystyl ar|hugeint rac
bronn y gaer o dylyedogy+
on ruuein. ac a|e dalyassant
drỽy laỽer o amseroed.
A|gỽedy hynny custennin
uab elen. a|maxen uab ỻy+
80
welyn. Pob un o|r|rei hyn+
ny yn gar agos ymi o
gerennyd. ac yn urenhin+
ed arderchaỽc o goron ynys
prydein. Yr un gỽedy y gilyd
a|gaỽssant amherodraeth
ruuein. Ac ỽrth hynny
pony bernỽch chỽi bot yn
iaỽn y mynneu deissyueit
teyrnget o ruuein. O ffre+
inc ac o|r ynyssed ereiỻ ny
ỽrthebỽn ni udunt hỽy.
Kanys ny doethant o|e
hamdiffyn pan y goresgyn+
nassam. nac o|e gỽarauun.
ac ỽrth hynny ny ỽrthebỽn
ni udunt hỽy o|r rei hynny.
A Gỽedy teruynu o arthur
y ymadraỽd. Howel
uab emyr ỻydaỽ a ỽrtheba+
ỽd ymblaen paỽb y ymadra+
ỽd arthur ual hynn.
Pei traethei bop un o·ho+
nam ni a medylyaỽ pob
peth yn|y uedỽl. ny theby+
gaf|i gaỻu o neb ohonam
| « p 40r | p 41r » |