Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 204v

Culhwch ac Olwen

204v

826

1
berwi a|wnant. at·uyd gal penn a phen+
2
dro arnaf ar ulaen pob ỻoer. Poet emendi+
3
geit ffoc yt gỽeirỽyt yndi. mal dala ki
4
kanderaỽc* yỽ gennyf mal y|m|gỽant yr hay+
5
arn gỽennỽynnic hỽnn. Mynet o·nadunt
6
y eu bỽyt. Trannoeth y|doethant y|r ỻys. ac
7
y dywedassant. na saethutta ni beỻach. na+
8
myn anaf ac adoet. a|merthyrolyaeth yssyd
9
arnat. ac a|uo mỽy os mynny. Dyro inn dy
10
uerch. ac o·ny|s rody ti a|geffy dy agheu ym+
11
deni. Mae y neb yssyd yn erchi vy merch i.
12
dos yma ỻe yd ymwelwyf a|thi. Kadeir a
13
dodet y·danaỽ wyneb yn wyneb ac ef.
14
Y  dywaỽt yspadaden penn·kawr. ae ti a
15
eirch uy merch i. Mi heb·y kulhwch.
16
Cret a uynnaf gennyt na wnelych
17
waeth no gỽir arnaf. Pan gaffỽyf a not+
18
tỽyf arnat ti. titheu a geffy vy merch.
19
ti a gehy yn|ỻawen heb·y kulhỽch. notta
20
yr hynn a vynnych. Nodaf heb ynteu. a|w+
21
ely|di y garth maỽr draỽ. Gỽelaf. Diw+
22
reidaỽ hỽnnỽ o|r dayar a|uynnaf a|e losgi
23
ar|wyneb y tir. hyt pan uo yn ỻe teil idaỽ.
24
a|e eredic a|e heu yn un dyd a|e uot yn aed+
25
uet. a hynny gouot undyd. ac o|r gỽenith
26
hỽnnỽnnỽ. y mynnaf i gỽneuthur bỽyt
27
a|ỻynn tymeredic y|th neithaỽr di ti a|m
28
merch i. A hynny oỻ a|uynnaf y wneu+
29
thur yn un dyd. Haỽd yỽ gennyf kaf+
30
fel hynny. Kyt tybyckych di na|bo haỽd.
31
Kyt keffych hynny yssyd ny cheffych.
32
amaeth a amaetho y tir hỽnnỽ nac a|e
33
digonho mor dyrys yỽ nyt oes. namyn
34
amaethon uab don. ny|daỽ ef o|e|uod y
35
gennyt ti. ny eỻy ditheu dreis arnaỽ ef.
36
haỽd y kaffaf|i hynny kyt tebyckych
37
di na bo haỽd. kyt keffych ditheu hynny
38
yssit na|s keffych. Gouannon uab don y
39
dyuot y penn y tir y waret yr heyrn.
40
ny wna ef weith o|e uod namyn y uren+
41
hin teithiaỽc. ny eỻy ditheu dreis arn+
42
aỽ ef. Haỽd yỽ gennyf|i hynny. kyt
43
keffych di hynny. yssit na|s|keffych.
44
Deu ychen gỽlwlyd wineu yn deu gyt+
45
preinyaỽc y eredic y tir dyrys draỽ yn
46
wych. ny|s ryd ef o|e uod. ny eỻy ditheu

827

1
d˄reis arnaỽ ef. Hawd yỽ gennyf i kaffel
2
hynny. Kyt keffych hynny yssit na|s kaffy*.
3
Y melyn gỽannỽyn. a|r ych brych yn deu
4
gytbreinaỽc a uynnaf a* uynnaf*. Haỽd yỽ
5
gennyf|i kaffel hynny. Kyt keffych hyn+
6
ny yssit na|s keffych. Deu ychen bannaỽc.
7
y ỻeiỻ yssyd o|r parth hỽnt y|r mynyd banna+
8
ỽc. a|r ỻaỻ o|r parth yma. ac eu dỽyn y·gyt
9
adan yr un aradyr. Sef yỽ y rei hynny.
10
nynnyaỽ. a pheibaỽ a|rithỽys duỽ yn ychen
11
am y pechaỽt. Haỽd yỽ gennyf kaffel hyn+
12
ny. Kyt keffych hynny yssit na|s keffych.
13
a|wely di y keibedic rud draỽ. Gỽelaf. Pan
14
gyuaruum gysseuin a mam y uorỽyn
15
honno. yd hewyt naỽ hestaỽr ỻinat yndaỽ
16
na du na gỽyn ny deuth ohonaỽ ettwa.
17
A|r messur hỽnnỽ yssyd gennyf|i ettwa.
18
a|r ỻinat hỽnnỽ a uynnaf i y gaffel y heu
19
yn y tir newyd draỽ. hyt pan uo ef a|uo
20
pennỻiein gỽynn am penn uym merch i
21
ar dy neithaỽr di. Haỽd yỽ gennyf kaffel
22
hynny kyt tebyckych di na|bo haỽd.
23
Kyt keffych di hynny yssit na|s|keffych.
24
Mel a|uo chwechach naỽ mod no mel kyn+
25
teit. heb wychi ac heb wenyn yndaỽ a vyn+
26
naf y vragodi y wled. Haỽd yỽ gennyf kaf+
27
fel hynny. kyt tebyckych di na|bo haỽd.
28
Kib ỻỽyr uab ỻỽyryon yssyd bennỻat yndi.
29
kan·nyt oes lestyr yn|y byt a|dalyo y llyn kadarn
30
hỽnnỽ. namyn hi. ny|s keffy di hi o|e uod ef.
31
ny eỻy ditheu dreis arnaỽ ef. Haỽd yỽ gen+
32
nyf kaffel hynny kyt tebyckych na bo ha+
33
ỽd. Kyt keffych hynny. yssit na|s|keffych.
34
Mỽys gỽydneu garanhir. kyt delei y byt y+
35
gyt bop tri naỽ wyr. y bỽyt a vynno paỽb
36
ỽrth y uryt a geiff yndi. mi a vynnaf vỽyt+
37
ta o honno y nos y kysco vym merch gen+
38
nyt. ny|s ryd ef o|e uod y neb. ny eỻy ditheu
39
y dreissaỽ ef. Haỽd yỽ gennyf gaffel hynny
40
kyt tybyckych di na|bo haỽd. Kyt keffych
41
hynny. yssit na|s keffych. Corn gỽlgaỽt
42
gogodin y waỻaỽ arnam y nos honno.
43
ny|s ryd ef o|e uod ny eỻy ditheu y dreissaỽ ef.
44
Haỽd yỽ gennyf kaffel hynny. kyt tebyckych
45
na|bo haỽd. Kyt keffych hynny yssit na|s kef+
46
fych. Telyn teirtu y|m|didanu y nos honno.