Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 21r

Brut y Brenhinoedd

21r

81

ỻuesteu. Ac ueỻy gan gỽynuan a
disgyryein y rei meirỽ y deffroynt
y rei byỽ ac y ỻedit. Ac megys deue+
it ymplith bleidyeu heb wybot
fford y ffo yd arhoynt eu hageu.
Nyt oed udunt naỽd kanny|chef+
fynt o ennyt wisgaỽ eu harueu.
Ny cheffynt ỽynteu o ennyt ffo
namyn redec yn noethon diaruot
ymplith eu gelynyon aruaỽc. ac
veỻy y ỻedit. ac o|r|dihagei neb ac
ychydic o|e eneit ganthaỽ rac
meint y awyd yn ffo briwaỽ ac ys+
sigaỽ a|wnaei ar gerric a drein
a mỽyeri. ac ygyt ueỻy y coỻynt
eu gwaet a|e heneidyeu. ac o dar+
ffei y rei ohonunt o nerth ae ner+
th ae taryan ae arueu ereiỻ kaf+
fel ỻe y ymgudyaỽ drỽy dywyỻ+
ỽch y nos. ymplith y kerric y
syrthynt yny vriwynt yn anaf+
us. ac o|r dianghei neb o|r damwein
tyghetuennaỽl hỽnnỽ y bodynt
ar y dyfred geyr eu ỻaỽ. ac ueỻy
breid oed o|r diaghei neb yn dian+
af o|r ryỽ damwein direidi hỽn+
nỽ ac ef. A gỽedy gỽybot o wyr
y casteỻ bot eu harglỽyd yn
ỻad eu gelynyon ueỻy. dyuot
allan o|r casteỻ a|wnaethant ỽ+
ynteu. a deudyblygu aerua o+
nadunt Ac megys y dywetpỽ+
yt uchot. kyrchu a|wnaeth bru+
tus bebyỻ y brenhin a|e daly ac
erchi y garcharu. kanys mỽy

82

les a|debygei y vot o|e garcharu
noc o|e lad. Y dorof a|oed ygyt ac
ynteu. ny orffỽyssei honno yn
ỻad heb drugared a gyfarffei
a hi. Ac yn|y wed honno y treuly+
assant y nos yny doeth y|dyd.
yny oed amlỽc gỽelet meint
yr aerua a|wnathoedynt. Ac y+
na ỻawenhau a|wnaeth brutus
a rannu yr yspeil a|wnaethpỽ+
yt y·rỽng y wyr ef. a|thra yt+
toedit yn rannu yr yspeil yd
aethpỽyt a|r brenhin yg|karchar
y|r casteỻ. ac yd erchis brutus
kadarnhau y casteỻ. a chladu
y calaned. A gỽedy daruot hyn+
ny. ymgynnuỻaỽ a|wnaeth bru+
tus a|e lu ygyt a|diruaỽr lewe+
nyd a|budugolyaeth ganthunt.
a mynet y|r diffeith y|r|ỻe yd oed
yr anhedeu a|r gwraged a|r meibon
A C yna y gelwis brutus y
henafgỽyr attaỽ y ymgyg+
hor pa|beth a|wnelei am pandra+
sus vrenhin groec. kanys hyt
tra vei ef yn eu carchar hỽy ac
yn eu medyant. dir oed idaỽ
wneuthur a vynnynt ac yna
y rodet amryuaelyon gyghor+
eu. Rei a gyghorei erchi idaỽ
rann o|e deyrnas gan rydit ereiỻ
a gyghorei erchi kennat y vy+
net ymeith a|r hynn a vei reit
y hynt ganthunt. A gỽedy eu
bot yn|yr amrysson hỽnnỽ ky+