Rhydychen, Llsgr. Coleg yr Iesu 111 (Llyfr Coch Hergest) – tudalen 207r
Culhwch ac Olwen
207r
836
hoỻ garant mynet yg|gỽrys ỽrthaỽ y
geissaỽ y|diuetha. Kennadeu a yrrỽys
ynteu y gymot a|mi. a|dyuot a|oruc yn+
teu attaf i. y diot dec tryuer a deugeint
o|e|geuyn. o·nyt ef a|wyr peth o|r hynn
a|geissỽch chỽi. ny ỽnn i neb a|e gỽypo.
Mi hagen a uydaf gyuarỽyd yỽch hyt
ỻe y mae. Dyuot a|orugant hyt ỻe yr
oed. Dywedut a|oruc yr eryr. Ehaỽc
ỻyn ỻiỽ mi a|deuthum attat. gan genna+
deu arthur y o·uyn a|ỽdost dim y ỽrth
vabon uab modron a|ducpỽyt yn|teir
nossic y ỽrth y uam. Y gymeint a|wy+
pỽyf|i mi a|e dywedaf. Gan bob ỻanỽ
yd|af i ar hyt yr auon uchot hyt pan|delỽ+
yf hyt y|m·ach mur kaer loyỽ. ac yno
y keueis i. ny cheueis eirmoet o drỽc
y|gymeint. ac mal y crettoch doet un ar
uyn|dỽy ysgỽyd i yma o·honaỽch. ac ysef
yd|aeth ar|dỽy ysgỽyd yr ehaỽc. kei a gỽr+
hyr gỽalstaỽt ieithoed. Ac y kerdassant
hyt pann deuthant am y uagỽyr a|r kar+
charaỽr. yny uyd kỽynuan a|griduan
a|glywynt am y uagỽyr ac ỽy. Gỽr·hyr
a|dywaỽt. pa|dyn a|gỽyn yn|y maendy hỽnn.
Oi·a ỽr yssit le idaỽ y gỽynaỽ y neb yssyd
yma. Mabon uab Modron yssyd yma yg
carch*. ac ny charcharỽyt neb kyn dostet
yn|ỻỽrỽ carchar a|mi. na charchar ỻud
ỻaỽ ereint. neu garch·ar greit mab eri.
Oes obeith gennyt ti ar gaffel dy eỻỽng
ae yr eur ae yr aryant ae yr golut pressenna+
ỽl. ae yr catwent ac ymlad. Y gymeint
ohonof i a gaffer a|geffir drỽy ymlad.
Ymchoelut o·honunt ỽy odyno. a|dyuot hyt
837
ỻe yd|oed arthur. Dywedut o·honunt y lle
yd oed mabon uab modron yg|karchar.
Gỽyssyaỽ a|oruc arthur milwyr yr ynys
honn. a mynet hyt yg|kaer loyỽ y|ỻe yd
oed mabon yg|karchar. Mynet a|oruc
kei a|bedwyr ar|dỽy yscỽyd y pysc. tra
yttoed vilwyr arthur yn ymlad a|r gaer.
rỽygaỽ o gei y uagỽyr a|chymryt y
carcharaỽr ar y geuyn. ac ymlad a|r
gỽyr ual kynt a|r gỽyr. At·ref y doeth
arthur a mabon gantaỽ yn|ryd. ~ ~
D ywedut a|oruc arthur. beth Jaỽn+
haf weithon y geissaỽ yn|gyntaf
o|r annoetheu. Jaỽnhaf yỽ keissaỽ deu
geneu gast rymhi. a|wys heb·yr arthur
pa du y mae hi. Y mae heb·yr un yn
aber deu gledyf. Dyuot a|oruc arthur
hyt yn|ty tringat yn aber cledyf. A
gouyn a|oruc ỽrthaỽ. a|glyweist ti y
ỽrthi hi yma. Py rith y mae hi.
Yn rith bleid·ast heb ynteu. a|e deu ge+
neu genthi yd ymda. Hi a ladaỽd vy
ysgrybul yn|vynych. ac y|mae hi issot
yn|aber cledyf y|myỽn gogof. Sef a|o+
ruc arthur gyrru ym|pryt·wenn y
long ar|uor. ac ereiỻ ar y|tir y|hela
yr ast. a|e chylchynu ueỻy hi a|e deu
geneu. ac eu|dat·rithaỽ o duỽ y arthur
yn|eu rith e|hunein. Gwascaru a|oruc
ỻu arth·ur bob un bob deu. ~ ~ ~
A C ual yd|oed gỽythyr mab greida+
ỽl. dyd·gỽeith yn kerdet dros vy+
nyd. y clywei leuein a|gridua girat.
a|garscon* oed eu|clybot. a·chub a|oruc
ynteu parth ac yno. ac mal|y|deuth y+
[ no.
| « p 206v | p 207v » |