Rhydychen, Llsgr. Coleg yr Iesu 111 (Llyfr Coch Hergest) – tudalen 207v
Culhwch ac Olwen
207v
837b
dispeilaỽ cledyf a|wnaeth. a ỻad y tỽyn+
path ỽrth y dayar. ac ev|diffryt uelly rac
y tan. ac y|dywedassant ỽynteu ỽrthaỽ.
Dỽc uendyth duỽ a|r einym gennyt. a|r
hynn ny aỻo dyn vyth y waret. ni a|doỽn
y waret itt. Hỽyntỽy wedy hynny a|doe+
thant ar·naỽ hestaỽr ỻinat. a|nodes ys+
padaden pennkaỽr ar culhỽch yn uessure+
dic oỻ heb dim yn eisseu o·honunt eithyr
un ỻinhedyn. a|r morgrugyn cloff a|doeth
a|hỽnnỽ kynn y nos. ~ ~ ~ ~ ~ ~ ~ ~
P an yttoed gei a|bedwyr yn eisted ar
benn pumlumon. ar garn gỽyla+
thyr ar wynt mỽyaf yn|y byt. edrych
a|ỽnaethant yn eu|kylch. ac ỽynt a|ỽel+
ynt vỽc maỽr parth a|r|deheu ympeỻ y
ỽrthunt heb drossi dim gan y gỽynt.
ac yna y dywaỽt kei. m·yn ỻaỽ vyng|ky+
ueiỻt. syỻ dy racco tan ryssỽr. Bryssyaỽ
a|orugant parth a|r mỽc. a dynessau
parth ac yno dan ym·ardisgỽyl o beỻ.
yny uyd diỻus uarruaỽc yn|deiuaỽ baed
coet. ỻyna hagen y|ryssỽr mỽyaf a|oche+
laỽd arthur eiryoet. Heb·y bedwyr yna
ỽrth gei. a|e hatwaenost di ef. atwen
heb·y kei. ỻyna dillus uarruaỽc. nyt
oes yn|y byt kynỻyuan a|dalyo drutwyn.
keneu greit uab eri. namyn kynỻyuan
o uaryf y gỽr a|wely di racko. ac ny
mỽynhaa heuyt onyt yn|vyỽ y tynnir
a|chyỻeỻprenneu o|e uaraf. kanys breu
uyd yn uarỽ. Mae an|kynghor ninneu
ỽrth hynny heb·y bedwyr. Gadỽn ef
heb·y kei y yssu y wala o|r kic. a|gỽedy
hynny kyscu a|ỽna. Tra yttoed ef yn
837c
hynny y buant ỽynteu yn gỽneuthur ky+
ỻellbrenneu. Pan|ỽybu gei yn diheu y uot
ef yn kyscu. gỽneuthur pỽll a|oruc dan y
draet mỽyhaf yn|y byt. a|tharaỽ dyrnaỽt
arnaỽ anueitraỽl y ueint a|oruc. a|e wascu
yn|y pỽll hyt pan daroed udunt y gnithiaỽ
yn|ỻỽyr a|r|kyỻeỻbrenneu y uaryf. a|gỽedy
hynny y lad yn gỽbyl. Ac odyna yd|aeth+
ant eỻ|deu hyt yg|keỻi wic yg|kernyỽ. a chyn+
ỻyuann o uaryf diỻus uaruaỽc gantunt.
a|e rodi a|oruc kei yn|ỻaỽ arthur. ac yna y
kanei arthur yr eglyn hỽnn. Kynnỻyuan
a|oruc kei. o uaryf dillus uab eurei. pei
Jach dy angheu uydei. Ac am hynny y sor+
res kei hyt pan uu abreid y uilwyr yr ynys
honn tangneuedu y·rỽng kei ac arthur.
Ac eissoes nac yr anghyfnerth ar arthur.
nac yr ỻad y wyr. nyt ymyrrỽys kei yn reit
gyt ac ef o hynny aỻan. Ac yna y dywaỽt
arthur. Beth iaỽnaf weithon y geissaỽ o|r
annoetheu. Jaỽnaf yỽ keissaỽ drutwyn ke+
neu greit uab eri. Kyn|no hynny ych·ydic
yd aeth creidylat uerch lud laỽ ereint gan
wythyr mab greidaỽl. a chynn kyscu genthi
dyuot gỽynn uab nud a|e dỽyn y treis. Kyn+
nuỻaỽ ỻu o wythyr uab greidaỽl. a|dyuot y
ymlad a gỽynn mab nud. a goruot o wyn.
a dala greit mab eri. a|glinneu eil taran. a
gỽrgỽst letlỽm. a dyfnarth y uab. a|dala
o|penn uab nethaỽc. a nỽython. a chyledyr
wyỻt y uab. a|ỻad nỽython a|oruc a|diot y
gallon. a chymheỻ ar kyledyr yssu callon y
dat. Ac am hynny yd aeth kyledyr yg|gỽyỻt.
Clybot o arthur hynny. a|dyuot hyt y gog+
led. a|dyuynnv a|oruc ef gỽynn uab nud attaỽ
| « p 207r | p 208r » |