Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 216v

Ystoria Bown de Hamtwn

216v

870

inheu yssyd gaỽr deỽr dihauarch. a mi a|af ar
hynt y erchi idaỽ rodi itti dy ginyaỽ a|e dros+
saỽl heyrnyn. Myn duỽ heb·y boỽn ony chaf
vỽyt wreicda mi a|uydaf uarỽ. Sef a|ỽna+
eth hitheu mynet att y kaỽr a|menegi
idaỽ ry dyuot marchaỽc attei. a|begythyaỽ
dỽyn bỽyt y|dreis arnei. Mi a|af y ymwe+
let ac ef. a|e drossaỽl heyrnyn a|gaflach
a gymerth. ac att boỽn y|deuth. a|govyn
idaỽ o|r kaỽr o pa le y ducsei y march yn
ỻetrat. tebic yỽ y|r march a|oed gan
vratmỽnt. vy mraỽt gỽir a|dywedy heb+
y boỽn. Mi a|e|hurdeis doe o|r tu yma y
damascyl a|m|cledyf yn offeirat. ac o|m
tebic ny digaỽn canu efferen vyth.
Sef a|wnaeth y kaỽr yna dyrchauel y
drossaỽl y uynyd. a|cheissaỽ taraỽ boỽn
ac ef. ac ny|s|metraỽd. namyn y march
yny dygỽyd yn uarỽ y|r ỻaỽr. a|boỽn yn
ehỽybyr a gyuodes y uynyd. ac a|tynna+
ỽd y gledyf. ac yn ỻidiaỽc a|ossodes ar
y kaỽr. a|phei as medrassei ef a|e traỽs+
sei trỽydaỽ. Sef a|wnaeth y kaỽr yna
y vỽrỽ a|r gaflach. a|e|uedru yn|y uordỽ+
yt yny aeth y gaflach trỽy y uordỽyt.
ac elchỽyl dyrchauel y drossaỽl a cheisaỽ
taraỽ boỽn ac ef. ac ny|s medraỽd. na+
myn gan y ystlys y|r ỻaỽr. Yna y gos+
sodes boỽn arnaỽ ynteu. a|e uedru ar
benn y ysgỽyd. yny aeth y ureich de+
heu idaỽ ymeith. ac yn gyflym y treỽ+
is y ureic asseu idaỽ ymeith. ac yn
ol hynny y benn a|e deudrot*. a|e ene+
it a|gymerth y kythreuleit yn|didad+
leu. Ac yna yd aeth boỽn y myỽn y|r

871

casteỻ. ac yd erchis y|r wreic dỽyn bỽyt
idaỽ. A hitheu a|dywaỽt y cai ef digaỽn.
ac nyt oed uaỽr y|diolchei ef idi yr hynny.
Yna y|duc y wreic idaỽ bara gỽenith pei+
ỻeit da yr hynn oed reit idaỽ. a|chic gỽar+
thec. ac yn ol hynny kic garanot a|hỽy+
eit. a|gỽedy hynny amylder o gic man a+
dar. a|gỽin claret digaỽn y gadarnet. ac
ynteu a|vỽyttaaỽd yn raỽth megys dyn
di·synnỽyr. a pheth diryued oed hynny. hir
y buassei heb vỽyt. A gỽedy bỽyta digaỽn
o·honaỽ. ac yuet kymedrolder. y gryfder
oỻ a|e|lewder a|gauas dracheuyn. Ac yna
y dywaỽt ef ỽrth y wreic. a wreicda moes
im uarch. a march a rodes hitheu idaỽ ef.
Esgynnv a|ỽnaeth ynteu ar y march a cherd+
det racdaỽ. hyt yg|kaerussalem att y padri+
arch. a|chyffessu ỽrthaỽ y hoỻ bechodeu.
a|menegi idaỽ pa|wed y ỻas y dat. a|pha|wed
y gỽerthyssit ynteu y sarassinyeit. a|pha|wed
y buassei yn gwassanaethu y ermin urenhin.
a|pha|wed y kuhudyssit ynteu ỽrth y brenhin.
a|pha|wed y hanuones ynteu o|e garcharu.
at uratmỽnt. a|pha|wed y|dihengis ynteu
o|r karchar. a|pha|wed yd ymlitywyt. a|pha
wed y ỻadaỽd ynteu bratmỽnt. a|pha|wed
y|dihengis ef drỽy y dỽvyr. A pha|wed y ỻad+
aỽd y kaỽr. Sef a|wnaeth y padriarch
yna truanhau ỽrthaỽ. a|rodi idaỽ mil a
deugeint besaỽnt o|eur dilyfyn. a|chymryt
y gennat a|e uendyth a|oruc boỽn. A medy+
lyaỽ a|ỽnaeth yd aei y ymwelet a iosian
kynn y vynet y hamtỽn. a|cherdet racdaỽ
tu a|r|eifft o|e cheissaỽ hi yn|ỻys y|that.
ac nyt yttoed hitheu yno. namyn ym mỽvra+
[ ỽnt