Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 229r

Ystoria Bown de Hamtwn

229r

920

Ac yna y kyhyrdaỽd y brenhin a|ffabur. ac
y|dywaỽt ỽrthaỽ. ae tidi ffabur a|erlidyeist
sabaot. ac yna ef a|e|trewis ar y helym hyt
y eneu. a briỽaỽ y luruc hyt na aỻassant
dim o amdiffyn idaỽ. a|thra|barhaaỽd. y
waeỽ y byryaỽd pob un o|r a|gehyrdaỽd ac ef.
Ac yna yd esgynnaỽd sabaot ar amỽs ffabur.
ac arbet arỽndel a|oruc. kany wydyat y ỽrth
dyuotyat boỽn y|r maes. a milys a|duc ru+
thur y admiral ac a|e|ỻadaỽd. ac yna y ky+
hyrdaỽd boỽn uab terri a|chaỽr. ac a|e ỻada+
ỽd. Ac ueỻy y gỽnaethont pob|un yn|y gy+
ueir megys marchogyon dewron. peri y
baỽp o|r a|gehyrdei ac ỽynt bot yn|darestynge+
dic udunt. a|r|brenhin yn eu hannoc. ac ỽyn+
teu yn ufud ỽrth y orchymun ynteu. ac
ueỻy y parhaaỽd y vrỽydyr hyt pryt gosper.
ac o niuer iuor ny dihengis dyn dyeithyr
cant. a ỻawen uu rieni y meibon gan eu
gwelet a|e tat. a dianc a|ỽnaeth paỽp o ni+
uer boỽn yn iach hyt y kasteỻ. Yna y ky+
merth boỽn kyngor. pa wed y gaỻei kynnal
ryuel yn erbyn iuor. kanys maỽr oed y
aỻu. a|dywedut ỽrth y uab a|oruc. Drỽc vyd
an hynt yn ryuelu. yn erbyn gaỻu kyme+
int ac yssyd yn an herbyn o·ny chaffỽn
nerth. Ac|ỽrth hynny anuonỽn gennat
att terri duc ciuil. y erchi idaỽ dyuot yn
ganhorthỽy in. Y gennat a|aeth racdaỽ
hyt pan deut* att|terri. a menegi a|oruc y
uot yn|gennat y gan boỽn a|e annerch y
gantaỽ. ac adolỽyn idaỽ dyuot y ganhorth  ̷+
ỽyaỽ. Myn vyg|cret heb·y terri mi a|af yn
ufud. Ac yna anuon kennadeu ar|hyt y
gyuoet* y erchi y wyr dyuot attaỽ. yn oet
dyd byrr. Ac yn|yr|oet dyd ef a|deuth attaỽ
pedwar duc. a deg mil o|wyr aruaỽc gyt a
phob un onadunt. a gỽedy eu dyuot ygyt
ef a|dywaỽt ỽrthunt. arglỽydi heb ef. reit
uyd ym uynet y urenhinyaeth estronaỽl.
y nerthu boỽn. marchaỽc clotuorus.
kany beidaf i paỻu idaỽ ef. Ac yna yd esgyn+

921

naỽd y duc ar uarch da. a|cherdet racdunt
a|wnaethont drỽy amryuaelon urenhina+
etheu yny doethant hyt y|m·ratfỽrt. 
Brenhin bratfỽrt a|oed y myỽn tỽr uchel.
ac arganuot a|oruc barỽneit ciuil yn|dyuot.
a mynet a|oruc att y dat y uenegi idaỽ.
a|e dat a ỽrthebaỽd idaỽ. diolỽch y duỽ hyn+
ny heb ef. A|phan|disgynnassant yd|aeth
boỽn a iosian yn eu herbyn. a menegi
idaỽ y mod y gỽnathoed iuor ac ef. a gỽrth+
eb idaỽ a|oruc terri. a|dywedut ỽrthaỽ. drỽc
y daỽ udunt hynny. kanys niuer maỽr a
deuth gyt a|mi. Beỻach y dywedỽn am iuor
ffalst brofadỽy. pan gyuodes y bore dran+
noeth anuon a|ỽnaeth yn ol ugein admirales.
a|phymthec brenhin. ac|ỽynteu a|deuthant
ỽrth y ewyỻys ef. ac ygyt y marchockaas+
sant tu a bratfỽrt. megys kỽn kyndeir+
aỽc. Eu son a gigleu niuer y dinas.
a gỽiscaỽ a|oruc niuer y dinas a|r brenhin
eu harueu ymdanunt. ac ysgynu yn
gyflym ar|eu meirch. ac y|r porth aỻan yd
aeth y marchogyon grymussaf o|r|deyrnas.
Ac yna y gelwis iuor ar iudas o machabes.
y erchi idaỽ rodi kynghor. kanys os mi
a gymer arnaf urỽydyr yn erbyn boỽn.
y gyffelyb uarchawc ny|bu eiryoet. a
goreu ỽyf inneu o|m hoỻ genedyl. Ac
ỽrth hynny ny·ni a|ymgyhyrdỽn.
Jaỽn y dywedy heb·y brenhin damasgyl.
Ac yna ysgynnu ar eu meirch ac y ymw+
an yd aethant. a boỽn a ysgynnaỽd ar
y uarch yn gyflym. a|galỽ a|oruc iuor
yn uchel ar|boỽn. ac erchi idaỽ aros
ychydic. a|dywedut ỽrthaỽ. Syr heb ef
y mae gyt a|thi kynnuỻeitua uaỽr o
varỽneit y dinas. ac y|mae gyt a|min+
neu brenhined ac admirales. a|maỽr
vyd hynny gỽedy yd ymgymyscant.
ac ỽrth hynny ymgyhyrdỽn yr|mỽyn
duỽ os mynnỽn. ac os mi a|ledir neu
a|oruydir. ef a|uyd tyghedic it pymthec
[ brenhin