Rhydychen, Llsgr. Coleg yr Iesu 111 (Llyfr Coch Hergest) – tudalen 237v
Meddyginiaethau
237v
954
955
R ac gỽewyr; keis y dialtean yr hỽnn
a|uyd gan yr yspisswyr. a|goreu yỽ
hỽnnỽ rac pob dolur. Rac y mann; kymer
lygat y|dyd a|r|erỻyryat a tharaỽ ar|diaỽt
yn|deỽ. a chymer dwst a nadher o|las uaen
a dyro ar diaỽt idaỽ. a hynny a|e gỽna yn
iach os keiff kynn y gyscu. Rac chwyd o
vriỽ; kymer sud y keulon. a|sud yr erỻyry+
at. a blaỽt ryc a mel. a gỽynn wy. a dot
y plastyr hỽnnỽ arnaỽ. Rac cornỽyt. ky+
mer sud y moreỻa. a|r erỻyryat a|blaỽt he+
id. a gỽynn wy. Rac attal pissaỽ. kymer
y|dynat coch a|r persli. a gỽna plastyr o+
honaỽ. a dot ar y groth is laỽ y uogel.
Y waret dauatenneu. kymer y|tu dieithyr
y risc yr helic a gỽin egyr a dot hỽnnỽ yn
plastyr arnaỽ. Rac heint caỻon. kymer
risc y keginderỽ. a risc y dudrem. a|r erỻy+
ryat. a phwrs y bugeil. a|e berỽi drỽy dỽfyr
rycheu yny el dan y draean. a|chymryt y
dỽfyr hỽnnỽ. a gỽneuthur gruel drỽy
vlaỽt gỽenith peiỻeit. Araỻ yỽ; kymer
dỽfyr karaỽn. a ỻaeth geifyr; yn deu han+
ner. a sud yr erỻyryat yn|y blith. a|e uerỽi
a gỽenithuein yr auon. a|e rodi naỽ nieu
idaỽ. ac na chymysger diaỽt idaỽ onyt
honno e|hun. Rac dolur dỽyuron. kymer
eiryn y koet lawer a mortera yn ffest. a
chymysc gỽrỽf newyd iaỽn ac ef. a|dot
y myỽn crochan prid newyd yn|y|dayar
dros yr ymyleu a|e adu yno naỽ nieu. a
naỽ nos. a|e|rodi y bore yn gyntaf. ac yn
diwethaf y nos y|r|dyn. Y wneuthur gỽin
egyr. kymer heid glan a|dot y myỽn gỽin dros
nos hyt trannoeth ucher. Y gyuannu as+
gỽrn. kymer consolida maior. a briỽ drỽ·y win
| « p 237r | p 238r » |