Rhydychen, Llsgr. Coleg yr Iesu 111 (Llyfr Coch Hergest) – tudalen 239v
Diarhebion
239v
962
Ny phyrth newyn; neb gywilyd.
Ny eỻir o beỻ; a hanffo o agos.
Ny cheiff ry uodaỽc; ry|barch.
Nyt reit y detwyd; namyn y eni.
Ny wnaeth drỽc; a|e diwygo.
Nyt aret; a geiff y|bud.
Ny byd myssyglaỽc maen; o|e uynych trauot.
Ny byd y gỽann; heb y gadarn.
Nyt a ar uor; nyt ymleueir.
Ny at mor; marỽtlỽs yndaỽ.
Ny byd gỽenyn; y gỽylaỽc.
Nyt benffic; ny hanffo gwaeth.
Ny wyr ˄yr|eryr bot y walch; yn|glaf.
Ny elỽir daỽ; hyt trannoeth.
Ny eỻit deu daỽ; o|r un verch.
Ny ry|gelir; y dryclaỽ.
Ny byd duun; deu gymro.
Ny cheffir geir da; heb prit.
Nyt gỽeỻ y|r rodỽr; noc y|r ỻeidyr
Nyt eing yn|y ỻestyr; namyn y loneit.
Nyt a sỽỻt; gan diebryt.
Ny lad kawat; mal y d·y·gynnuỻ.
Nyt a|wyl dyn; a|e pyrth.
Nyt gỽare; a|uo erchyỻ.
Nyt ymweis; a vo parch.
Nyt yttiỽ y byt y mychydic
Ny wyr; ny wyl.
Nyt ỻei gỽyrth meuyl; no gỽyrth sant.
Ny cheidỽ kymro; yny goỻo.
Ny wyr dyn; dolur y|ỻaỻ.
Nyt vn anyan iach; a chlaf.
Nyt a dyn; mal eur.
Nyt a drỽc; mal y|del.
Ny|choffa y wheger; pan|uu wehyd.
Ny|lad; gogyfadaỽ.
Ny byd; pressỽyl pasc.
Nyt ỻu a|dyrr; namyn duỽ.
Nyt a gỽaeỽ; yg gronyn.
Nyt gỽaratwyd; gỽeỻau.
Nyt achub maes maỽr; a dryc·uarch.
Nyt haỽd wchythu* tan; a|blaỽt yg|geneu.
963
Nyt oes o|rod; namyn hyt vod.
Nyt eing deu uras; yn vn ffettan.
Ny wybydir mỽyn fynnaỽn; yny el yn|dyspid.
Ny bu eidyl hen; yn was.
Nyt atfer; agheu a dỽc.
Nac un treỽ; na deu; ny naỽd rac agheu.
Ny vyd kymenn neb; yny vo ynuut gysseuin.
Ny cheiff da; ny|diodeuo drỽc.
Ny char morỽyn; mab o|e thref.
Nyt atwelaỽc; geir.
Ny eiỻ dyn; gochel tyghet.
Nyt yscar diryeit; ac anhyed.
Ny thelir gỽeli tauaỽc; namyn y arglỽyd.
Ny|wyr; ny warandaỽho.
Ny|byd uac; namyn un vlỽydyn.
Nyt edrychir; yn|ỻygat march rod.
Ny|byd chwedyl; heb ystlys idaỽ.
Ny bu esgynnu; gorwed y ar|gofyl.
Nyt gỽeỻ vỽy; no digaỽn.
Ny byd doeth ny|leho.
Ny chỽsc duỽ; pan ryd gỽared.
Ny byd byỽ kyỽ; heb alyỽ.
Ny chyỻ nyỽ; diuyd.
Ny bena; keudaỽt.
Nyt eing y mro; ny bo ỽrth wir.
Ny eỻir kỽbyl o aghỽbyl.
Ny buttra; ỻynn|wynn.
Nyt ystyn ỻaỽ; ny rybuch caỻon.
Ny ordyfnỽys cath; kebystyr.
Ny dyly kyfreith; ny|s gỽnel.
Ny buttra ỻaỽ dyn; yn gỽneuthur da idaỽ e|hun.
Nyt eidaỽ duỽ; a|watter.
Na|chret vyth; verch dy whegrỽn.
Na uit dy wreic; yn dy|gyfrin.
Ny ledir; kennat.
Ny chyngein kewilyd; gan gennat.
Ny mat newit; a geiff elỽ.
Ny byd dala ty; ar sinnach ytt. [ grỽyn y
Nyt oes dryc·ỽr; namyn drycwreic [ deueit maỽr.
Nyt ỻei a|a o grỽyn yr|ỽyn y|r uarchnat; noc o
Ny thal dim; kennat.
| « p 239r | p 240r » |