LlGC Llsgr. Peniarth 19 – tudalen 25r
Brut y Brenhinoedd
25r
97
yd aethant y eu ỻogeu. a|ỻenỽi
eu llogeu o|bop ryỽ da a golut.
ac y·gyt a|r rỽydwynt y doeth+
ant y|r ynys adaỽedic udunt
drỽy dwyỽaỽl ỽrtheb y borth
totneis y|r tir.
A C yn yr amser hỽnnỽ y
gelwit hi y wenn ynys
a|diffeith oed. dyeithyr ychydic
o gewri yn|y chyuanhedu. Tec
oed y hansaỽd o avonoed tec
a physgaỽt yndunt. a choedyd
a bỽystuileit yndunt yn am+
yl. a bodlaỽn vuant y|r lle y
bressỽylyaỽ yndaỽ. A gỽedy
gỽelet o|r kewri ỽynt yn dam+
gylchynu yr ynys fo a|wnae+
thant y ogofeu y mynyded. ac
yna gan gannyat brutus y
rannỽyt yr ynys. ac y dechreu+
wyt diwyỻaỽ y tired ac adeily+
at tei. ac yn ychydic o amser
gỽneuthur diruaỽr gyuanned
yndi. ac y mynnaỽd brutus
galỽ yr ynys o|e enỽ ef bryta+
en. a|r genedyl yn vrytanyeit.
Ac o hynny aỻan y ieith a|el+
wit gynt Jeith dro. neu gam+
roec y gelwit gỽedy hynny
bryttaen*. ac o|r dysc hỽnnỽ y
mynnaỽd corineus galỽ y
rann ynteu o|r ynys kernyỽ.
a|r bobyl yn gorneuic*. kanys
pan rannwyt yr ynys y kaf+
as corineus dewis. ac y dewis ̷+
98
saỽd ynteu y rann honno.
kanys yno yd oed amlaf y
kewri. ac nat oed ganthaỽ
ynteu dim digrifach noc ym+
lad a|r rei hynny. Ac ymplith
y rei hynny yd oed vn antyg+
hetuennaỽl y veint a deu·dec
kupyt yn|y hyt. a chymeint
y angerd ac y tynnei derwen
o|e gỽreid megys gỽialen
vechan gan y hysgytweit
vn·weith. Ac ual yd oed vrutus
diwarnaỽt yn aberthu y di+
ana yn|y borthua y disgyn+
nassei yndi. nachaf y kaỽr
hỽnnỽ yn dyuot ar y ugein+
uet o|r kewri ereiỻ y·gyt ac ef.
ac yn gỽneuthur creulaỽn a+
erua o|r bryttanyeit. ac eu
damgylchynu a|wnaeth y
bryttanyeit ac eu ỻad oỻ
dyeithyr yr vn kaỽr maỽr
hỽnnỽ. a|archyssei vrutus
y gadỽ y welet ymdrech y+
rygthaỽ a|chorineus. kanyt
oed dim digrifach ganthaỽ
no gỽelet y ryỽ gatwent
honno. Ac y ymdrech yd aeth
corineus a|r kaỽr. a phob
vn o·honunt a gymerth ga+
vel ardỽrn ar y gilyd ac ym+
drauodi a|orugant. a gỽasgu
a|wnaeth corineus y kaỽr attaỽ
a thorri teir assen yndaỽ. vn
yn yr ystlys deheu. a dwy yn
| « p 24v | p 25v » |