Rhydychen, Llsgr. Coleg yr Iesu 111 (Llyfr Coch Hergest) – tudalen 3r
Ystoria Dared
3r
9
naỽ yn|y|ỻud hyt pan gahat troea. A gỽelet o ̷+
honaỽ ef y tyỽyssogyon hynn yma. pan|vei
dagneued a|chygreir y·rỽg gỽyr troea a gỽyr
groec. a ry|uot o·honaỽ ef ỽeitheu yn|y hym ̷+
ladeu hỽy. a ry|glybot ohonaỽ ef gan wyr
groec pa ryỽ bryt a|pha|rẏỽ anyan a|oed y ̷+
rydunt hỽy. Ẏn gyntaf y|traethỽn ni o wyr
groec. Castor. a pholux pob un a|oed gyffe+
lyb y|gilid molyannus bryt o waỻt peng ̷+
rych melyn. a|ỻygeit maỽr. ac ỽyneb tec.
da oed y ffuruf. a|chorff hir unyaỽn. Elen uana+
ỽc y chỽaer oed gyffelyb udunt hỽy tec oed hi
ac ufyd y medỽl ac eskeirỽ˄reic da oed. a man ̷ ̷
oed y·rỽg y dỽyael. ac am hynny y gelỽit hi
elen uanaỽc. a geneu bychan a|oed idi. ac am+
emnon corff tec maỽr oed idaỽ. ac aelodeu gre+
duaỽl. a|gỽr kymen caỻ bonhedic oed kyuo+
ethaỽc. Menelaus y vraỽt vrenhined groec oe+
dynt eỻ|deu. ac ef oed ỽr kymedraỽl o gorff
coch arderchaỽc. kymeredic. hegar. achil oed
uab y|beleus vrenhin o|tetis dỽywes y moroed.
idaỽ yd|o˄ed dỽyuron lydan ac aduỽyndrych. ac a+
elodeu creulaỽn. greduaỽl; maỽr. ỻathredic. a
gỽaỻt pengrych. melyn. gỽaredaỽc ỽrth wan.
a deỽraf y myỽn arueu. ac ỽyneb hyfryt. a hir
oed a hael. Eiax o|lileus gỽr pedrogyl oed
a|chorff eryr idaỽ. ac aelodeu greduaỽl kadarn
a gỽr digrif oed. Talamon ỻef eglur oed i+
daỽ. a gỽr greduaỽl creulaỽn yn erbyn y ely+
nyon. ac annỽyt mul gantaỽ. a brigeir ben+
grech du. Vlixes gỽr kadarn ỻaỽen ỻaỽn
o vrat. ac ỽyneb ỻaỽen. a chorff kymedraỽl
kymen. ac ygnat oed. Diomedes gỽr kadarn
a chorff pedraỽgyl idaỽ. ac ỽyneb adfỽyn creu+
laỽn. a|gỽychaf yn ymlad a|ỻef uchel. ac ym+
hennyd twym drỽc. a gleỽ oed. Nestor gỽr
maỽr hir ỻydan caỻ. a|chnaỽt gỽyn idaỽ.
Proteselaus gỽr gỽyn adfỽyn a drych buan
da y ymdiret drut. Neocolonus gỽr maỽr pry+
derus ỻidiaỽc bloesc. ac ỽyneb da crỽn a|ỻygeit
duon. ac aelodeu maỽr. Palamedes oed ỽr hir.
mein. claer ac ygnat maỽr·vrydus. Pilo+
darius oed ỽr bras. greduaỽl. syberỽ trist. Machan
oed ỽr maỽr. kadarn. hyspys. caỻ. ofnaỽc. truga+
raỽc. Meiryon oed ỽr coch. a|chorff crỽn kyme+
draỽl oed idaỽ sarhaedus. gỽydyn. creulaỽn. nyt
oed amynedus. Brisidia gỽreic agamemnon oed
ffurueid. nyt oed hir. a|chnaỽt gỽyn. a|gỽaỻt me+
lyn. ac aeleu duon. a|ỻygeit ỻathreit advỽyn.
a chorff kyfyaỽn. a|dyỽedỽydat claer kỽyilydy+
us. ac anỽyt mul gỽar. Pryt gỽyr troea a|dam+
P Riaf vren +[ lyỽychỽn rac ỻaỽ.
hin troea. gỽr maỽr oed. ac ỽyneb tec
idaỽ. a ỻef hynaỽs. a chorff eryr. Ector
10
uab priaf gỽr bloesc oed gỽyn pengrych ac
aelodeu buan idaỽ ac ỽyneb anrydedus kare+
dic ac adas y garyat. Deiphebus gỽr kadarn
oed. Elenus gỽr doeth karedic. a bras oed yn+
y|oed debic y|dat o ffuruf a|phryt. ac anhebic
o anyan. Troilus gỽr maỽr tec oed greduaỽl
a chadarn ar y oet. alexander gỽr hirwyn ka+
darn. a ỻygeit tec. a gỽaỻt melyn man. a ge+
neu adfỽyn. a ỻef hynaỽs. buan oed. a chỽan+
naỽc oed y gyuoeth. Eneas gỽr coch pedrogyl
oed. kymen. dyỽedỽydat. kadarn y gygor. a
gỽar. ac aduỽyn. a ỻygeid maỽr duon oed idaỽ.
antenor gỽr hiruein buan. ac aelodeu bleỽ+
aỽc a chaỻ oed. Ecuba ỽreic briaf gỽreic
uaỽrdec. a|chorff eryr oed idi. ac anỽyt gỽraỽl
kyfyaỽn. a|gỽar oed. Andromacta gỽreic
hirwen ffurueid a ỻygeit eglur idi. Hi oed
hynaỽs a|diỽer a chlaer oed. Casandra kyme+
draỽl oed. a|geneu bychan. a|ỻygeit eglur.
a dehogylỽreic oed o|r hyn a|delei rac ỻaỽ.
Polixena gỽreic hirwen ffurueid vynỽgylhir.
a ỻygeit aduỽyn. a gỽaỻt melyn hir. ac aelodeu
kyỽeir a byssed hiryon. ac eskeired crynyon.
a thraet ỻunyeid oed idi yr hon o|e thegỽch a
ragorei ar baỽb. anỽyt mul hael oed idi a di+
A c yna y deuth gỽyr [ ỽeir oed.
groec a|e|ỻyges gantunt y|r ỽlat a|elỽit
athenas. yn|gyntaf y deuth agamemnon
y|r|dinas a|elỽit mecene a|chan|ỻog gantaỽ.
a menelavs o|r ynys a|elỽit sporta a thruge+
in|ỻog gantaỽ. a|thelaus a|pheleas ỽynteu
o uoecia y deuthont. a dec ỻog a|deugein gan+
tunt. a limerus o|r ỽlat a|elỽit or+
chomeus. a dec|ỻog ar|hugein gantaỽ. E+
pitropus o|r ỽlat a|elỽit polides. a deugein|ỻog
gantaỽ. Talamon ynteu a|duc y·gyt ac ef
o|salamenia teucrum y uraỽt a thyỽyssogyon
ereiỻ. a dec|ỻog a deugeint gantunt. polunes+
mestor ac vgein ỻog gantaỽ. Toas o|tỽlỽs
a deugein ỻog y·gyt ac ef. Aiax olieus o
lucris a deunaỽ ỻog ar|hugein. venenas
a|their|ỻog ar|dec a deugeint. Antipus a deu+
naỽ ỻog ar|hugein. Jdomenus a dec ỻog a
phetỽar ugein ỻog. Vlixes a dec ỻog. Prote+
selaus a|deugein ỻog. Emelius a dec ỻog.
Potauius a phedeir ỻog ar|dec a|deugein.
Achil a|dec ỻog a deugein. Telebeleus o|ro+
do a naw ỻog. Euriphilus a dec ỻog. anti+
pus ac un ỻog ar|dec. Pulibeces o larisa
a|deugein ỻog. Diomedes o aripis a phetỽ+
ar vgein ỻog. Pilotenus o meliboea a phe+
deir ỻog. Geneus o cipro a deugein|ỻog.
Petroclus o venesia a deugein|ỻog. ac ape+
nor a deugein ỻog. Jnestius a dec ỻog a|deugein.
| « p 2v | p 3v » |