LlB Llsgr. Ychwanegol 19,709 – tudalen 28v
Brut y Brenhinoedd
28v
e|hun yn enryded y loyv amheravdyr rufein.
A gỽedy marv gỽeiryd y doeth meuryc y vab yn+
teu yn vrenhin. Gvr enryfed y|prudder a|e doeth+
inab oed hvnnv. ac ym|pen yspeit gvedy y vot yn gv+
ledychu y doeth. Rodric brenhin y fichteit o|sithia a llygh+
es vavr gantaỽ y|r alban y|r tir a|dechreu anreithav y
gvladoed hẏnnnẏ a dyuot a|oruc. Meuruc yn|y erbyn
a|chynuỻeitua uaỽr gantav ac ymlad ac ef a|e lad. a
gỽedy kaffel o veuruc y vudugolyaeth honno drych+
afel maen maỽr a|wnaeth yn arvyd kaffel y vudu+
golyaeth o·honav yn|y wlat a|elwit o|e env ef wintymar
Sef yỽ hynnẏ yg|kymraec gvys meuruc. ac yn|y maen
hvnnv yd yscrifenvyt gveithredoed meuryc vrth gadỽ
kof byth am hẏnnẏ
A gvedy ỻad rodric y rodes meuruc ran o|r alban y|r
bobyl orchyfegedic a dothoed hyt a|rodric y pres ̷ ̷+
svylav yndi. a|r wlat a rodes ef vdunt hỽy a elwit ka+
tyneis a|r wlat honno diffeith oed heb neb yn|y chyfan+
hedu. a gvedy nat oed wraged udunt. sef a|wnaeth+
ant erchi y|r brẏtanyeit eu merchet ac eu karesseu
yn wraged udunt. ac eu nackau a wnaeth·pỽyt
vdunt. kanẏt oed teilvg gantunt rodi eu merchet
nac eu karesseu vdunt. Sef a|wnaethant ỽynteu
mynet hyt yn iwerdon. ac odyna dỽyn gvraged
vdunt. ac o|r rei hynny kynydu plant a|thyfu pobyl
a|r bobyl honno yỽ y gỽydyl fichti. a ỻẏna megys
y doethant a|r achaỽs y|kynỽysỽyt yn gyntaf er+
ioet yn yr ynys hon. ac yr hynny hyt hediỽ y
maent
| « p 28r | p 29r » |