LlB Llsgr. Ychwanegol 19,709 – tudalen 3r
Ystoria Dared
3r
an. kyt rodit idaỽ ef gorchygardhu ymladeu ymlaen
paỽb o|r a dathoed yno y·gyt a gỽedy ymrysson o·honunt
hỽy am·dan yr amherodraeth pop eilwers. yr ymlad a gym+
erth o|newyd gỽedy yspeit dỽy vlyned. ac yna a·gamem+
non ac achil a|diomedes a|menelaus a oedynt tywysso+
gyon ar lu goroec. Ac o|r parth araỻ y|deuth ector. a|thro ̷+
ilus ac eneas yn|y herbyn. ac yno y bu ladua vaỽr o|bob
parth. Ac y|ỻas y|gỽyr deỽraff. ac y|ỻadaỽd ector hosten ac
archiselaus a|phrotentor tywyssogyon o|roec. a|r nos a|e gỽa+
hanỽẏs. a|r nos honno agamemnon a elwis y hoỻ tywysso+
gyon yg|kygor ac a annoges vdunt yn hoỻaỽl kerdet ohonunt
y|r ymlad a dilit ector yn benaf peth o|r a|wnelhynt a|r bore
dranoeth y|tywyssaỽc* ector ac eneas ac alexander y ỻu
ỽynteu y|maes. ac y bu aerua vaỽr ac y llas ỻawer o pop
parth. a|menelaus ac aiax. a ymladyssant ac alexander yn
graff ac ynteu a ymhoeles arnunt ỽy. ac a saeth y brathỽẏt.
amenelaus. yn|y vordỽyt. ef. ac yna ny orffoỽyssỽys mene+
laus wedy y gyffroi o|dolur ac aiax ygyt ac ef yn ymlit
alexander yny deuth ector ac eneas a|e amdiffyn a|e dỽyn
gantunt o|r vrỽẏdẏr y|myỽn y|r gaer a|r nos a deuth ac
a|wahanỽys yr ymlad a thranoeth achil a diomedes a tywys+
sassant eu y* |ỻu. ac yn eu herbyn hỽynteu ector ac eneas
a|e ỻu a deuthant y maes. ac aerua vavr a vu. ac ector a|la+
daỽd archomenium a phalomonem ac epitrophus. a|depenor
a sedius a drocus a|pholixinius tywyssogyon o|roec. ac eneas
a|ladaỽd amphimacus a nereus. ac achil a|ladaỽd euferinus
ac Jpotenius a|filargus ac astrenus a diomedes a ladaỽd
Zanafus a mesten. ac yna pan welas agamemnon yr dygỽy+
| « p 2v | p 3v » |