LlB Llsgr. Ychwanegol 19,709 – tudalen 43r
Brut y Brenhinoedd
43r
ent yn dewis madeu eu teyrnget yvch ymlaen dy+
o·def y kyfryv lafur a hvnnỽ drosavch beỻach Pei byde+
vch chvi yn yr amser y bu y|marchogyon yn ynys. prydein.
beth a|tebygvch|i ae yr hẏnnẏ y tebygvch|i fo dynaỽl
anyan y vrthyvch a|geni dynyon yg|gvrthvyneb any+
an. Megys pei genit o|r bilein varchavc ac o|r m·arch+
avc bilein ac yr disgynu dyn y gan y gilyd ny thy+
bygaf|i coỻi onadunt vy eu dynavl anyan yr hyny
kanys dynyon yỽch. gvnevch megys y dyly dynyon
gelỽch ar grist hyt pan vo duỽ a rotho i˄yỽch levder
a|rydit. a gvedy teruynu o|r archescob y ymadravd
a|e parabyl yn|y wed honno. kymeint uu y kynhvryf
yn|y bobyl ac megys y|tybygit yn deissyfyt eu bot
gvedy eu kyflenwi o levder.
A c yn ol y parabyl hvnnv y rodes y rufeineit ga+
darnyon dysgedigaetheu ar ymladeu yr ergryn+
edic pobyl honno. ac adav agrifft vdunt y wneuthur
aeruaeu. ac erchi vdunt a·deilat kestyỻ a|thyroed ar
lan y|mor yn|y porthuaeu y bei disgynuaeu ỻogeu
vrth gadv eu gỽlat o·nadunt rac eu gelynyon. ac
eissoes havs yv gỽneuthur hebavc o|r barcut no ̷
gỽneuthur bilein yn dysgedic o vrvydreu. a|phvy
bynac a rotho dysc o anodun doethinab idav. kyn ̷+
hebic yv y|r neb a|wasgarei gemeu mavrweirthaỽc
y·dan draet moch. ac yna kych·wẏn a wnaeth gvyr
rufein ymeith megys ar odeu na delynt y|r ynys
hon drachefẏn. ac ar hynnẏ nachaf yn|y ỻe y|racdy+
wededigyon elẏnẏon vchot gvinwas a melwas yn ̷ ̷
| « p 42v | p 43v » |