LlB Llsgr. Ychwanegol 19,709 – tudalen 66r
Brut y Brenhinoedd
66r
y darestygaỽd a|chyt ac ynteu ỻawer o dynyon
o|r rei a lewas y dyfỽr a|uuant veirv. a gỽedy kaf+
fel gvybot y tỽyỻ hvnnv; ỻanv y|fynavn o|r day+
ar erni. a gỽedy honni marwolaeth y brenhin
drvy y|teyrnas ymgynuỻav a|wnaethant yr
archescyb a|r escyb a|r abadeu a|r yscolheigon ac
vynt a ducsant y gorff ef hyt y|manachlaỽc am+
bẏr ac y|myỽn cor y keỽri gyr·ỻav emrys wle+
dic y vravt o vrenhinyavl arvylant y cladassant.
A Gedy* marỽ vthyr pendragon yd ymgynuỻ+
assant hoỻ wyrda ynys. prydein. Jeirỻ a barvnyeit
a|marchogyon vrdavl ac escyb ac abadeu ac
athrawon hyt yg|kaer vudei ac o gytsynedi+
gaeth paỽb yd archyssant y dyfric archescob kaer ̷ ̷
ỻion ar vysc vrdav arthur ap vthyr yn vrenhin ac eu
hageu a|e kymheỻei y hynny. kanys pan gigleu y
saesson marwolaeth vthyr bendragon yd eỻygys+
synt vynteu genadeu hyt yn germania y geissaỽ
porth. ac neur dothoed ỻyges va·vr attunt a|chol ̷+
grim yn dywyssavc arnadunt. ac neur daroed
vdunt gverescyn o humyr hyt y mor kateneis
yn|y gogled. Sef oed hynny y tryded ran y ynys. prydein.
a gvedy gvelet o dyfric archescob trueni y bobyl a|e
hamdiuedi. ef a|gymerth escyb ygyt ac ef. ac a do+
des coron y teyrnas am ben arthur. a|phymtheg
mlỽyd oed arthur yna. ac ny chyvssit* ar neb araỻ
eiroet y defodeu o devred a haelder a oed arnaỽ ef.
| « p 65v | p 66v » |