LlB Llsgr. Ychwanegol 19,709 – tudalen 80r
Brut y Brenhinoedd
80r
A Gvedy bot custeinhin yn arderchaỽc o goron y|teyrn+
as y kyfodassant yn|y herbyn y|saesson a deu vab ved+
raỽt gantunt ac ny aỻassant gvrthỽynebu idaỽ. namyn ˄ỻa+
wer o ymladeu. vn ohonunt a foes hyt yn ỻundein a|r ỻaỻ y
gaer wynt a|dechreu kynhal y|rei hẏnnẏ arnadunt. ac yn yr
amser hỽnnỽ y bu varỽ Deinoel sant escob bangor. ac yna ẏ
gỽnaethpỽẏt. theon escob kaer loyỽ yn arch·escob yn ỻundein
ac yn yr amser hvnnỽ y|teruynỽys dewi archescob kaer
ỻion o|r vuched vydaỽl hon. ac y cladỽyt y|mynyv yn|y
vanachlaỽc e|hun ym|plith y gyturodyr. kanys mỽyaf ỻe yn|y
archescobavt ef a garei oed hvnnv. ac o arch maelgvn gỽy+
ned yn yr eglvys honno y cladỽyt. ac yn|y le ynteu yn
archescob yd etholet kynaỽc escob ỻan badarn ac y drych+
efit yn enryded a oed vch ~ ~ ~ ~
A C odyna custenhin a ymlynavd y saesson ac a|e darys+
tygvys vynt vrth y gygor. a|r dinassoed a|gafas. a|r neiỻ
mab y vedraỽt a|ladaỽd yg|kaer wynt rac bron yr aỻaỽr yn
eglỽys amphibalus a|r ỻaỻ a las yn ỻundein rac bron yr aỻ+
laỽr o greulonaf agheu gvedy y|ry|ffo ohonaỽ y vanachlaỽc
ac ymgudyaỽ. Ac yn|y dryded vlỽydyn custenhin o vravt
dỽywaỽl y gan gynan wledic a las A cher·ỻaỽ vthyr ben+
dragon o vyỽn cor y keỽri y cladỽẏt ger·ỻaỽ salusburi.
A C yn nessaf y gustenhin y deuth kynan wledic yn
vrenhin gvas ieuanc enryfed y glot a|e volyant
a nei y gustenhin oed gynhan a hỽnnỽ a gynhalỽys ỻy+
wodraeth yny. prydein. ac a|wisgỽys coron y|teyrnas am y pen
a|theilỽg oed oheni pei na|charei giỽdaỽdaỽl ryfel. ac e ̷ ̷+
| « p 79v | p 80v » |