Llsgr. Bodorgan – tudalen 16
Llyfr Cyfnerth
16
vgeint mu gan tri drychafel. A phunt
yỽ ebediỽ pop vn. Punt yỽ gobyr merch
pop vn. Teir punt yỽ y chowyll. Seith
punt yỽ y hegỽedi.
BArd teulu a geiff eidon y teulu y gan
o pop anreith a wnel y teulu ac y
bo ef ỽrth y dỽyn. A ran gỽr mab pop
teuluỽr. ynteu a gan vnbeinyaeth
prydein racdunt ỽy o|r byd ymlad. Pan
archo bard y teyrn; kanet vn kanu.
Pan archo y vreyr; kanet tri chanu.
Pan archo y tayaỽc; kanet hyny vo.
blin. Ef a gan yr eil kanu yn| y neuad.
kanys y penkerd a dechreu. Eil nessaf yr
penteulu yd eisted. Telyn a geiff y gan
y brenhin. A modrỽy eur y| gan y vrenhi+
nes pan ỽystler y sỽyd idaỽ. y telyn ny
at byth y| ganthaỽ. nac ar werth nac yn
rat tra vo byỽ. Bard teulu. Gostegỽr.
Dryssaỽr neuad. Dryssaỽr ystauell.
Gỽastraỽt auỽyn. Canhỽyllyd. Medyd.
Trullyat. Sỽydỽr llys. Coc. Medyc.
Troedaỽc. Morỽyn ystauell. Gỽastra+
ỽt auỽyn brenhines. y pymthec hyn.
yssyd
| « p 15 | p 17 » |