Llsgr. Bodorgan – tudalen 99
Llyfr Cyfnerth
99
kymeret pedeir keinhaỽc. kyfreith. y gan perch+
ennaỽc y moch. Os yt aeduet a lygrant; taler
O whe fford y gỽahan dyn ae [ eu llỽgyr.
da. o treis. a lledrat. Ac aghyfarch. A ben+
ffic. a lloc. Ac adneu. O|r teir kyntaf y dylyir
dala a damdỽg. o|r teir ereill ny dylyir namyn
eu heturyt megys y rother. Dyrnaỽt a gaffer
o|e anuod. nyt sarhaet. iaỽn yỽ hagen diuỽ ̷+
yn yr aneuet nyt amgen gỽaet a gỽeli a ch ̷+
reith o gyfarch o|r byd. Unwerth uyd y neb
a ỽystler ar neb y rother yg gỽystyl drostaỽ.
Pỽy bynhac a dotto ar yscrybyl llygru yt neu
weir; eu perchennaỽc a dyly eu iachau ar y me ̷+
int y mynho ỽrth eu llỽgyr. Ac ar nys tygho;
talet. Y neb a gaffo iaỽn o gỽbyl am yt llygre ̷+
dic y gan perchennaỽc yscrybyl. ny dyly
na thal na dala yscrybyl ar y kelefryt hỽnnỽ.
Imp; pedeir keinhaỽc. kyfreith. a tal. hyt galan
gayaf rac ỽyneb. O hynny allan dỽy gein ̷+
haỽc pop tymhor a drycheif arnaỽ hyny odi ̷+
wetho ffrỽyth. Ac yna trugeint a tal. Ac ỽrth
hynny y mae vn werth imp a llo buch vaỽr.
o|r dechreu hyt y diwed.
E Neb a typper am tystolyaeth; tyget mal
| « p 98 | p 100 » |