LlGC Llsgr. 24049 (Boston 5) – tudalen 154
Llyfr Blegywryd
154
O tri mod ẏ|telir teithi buch; o dec ar|h ̷+
ugeint arẏant. neu uuch hesb dec. neu
vlaỽt. Os o|vlaỽt. val hẏnn ẏ|telir. Me+
ssur llestẏr llaeth buch. naỽ motued
ẏgkẏlch ẏ|eneu. A their ẏn llet ẏ wae+
laỽt. Ar seith ar wẏr o|r cleis traỽ ẏ|r
emẏl ẏma vẏd ẏ|vchet. LLoneit hỽnnỽ
a|telir o|vlaỽt keirch ẏg|kẏueir pob go+
dro ẏ|r uuch hẏt wẏl giric. Odẏna hẏt
aỽst o|vlaỽt heid. Odẏna hẏt galan
gaẏaf o|vlaỽt gỽenith. ẏnn|ẏ messur
G Werth llo gỽrẏỽ h ̷+[ hỽnnỽ
ẏt galan racuẏr; whechein+
naỽc ẏỽ. O|hẏnnẏ hyt aỽst.
ẏnn|ẏ trẏded vlỽẏdẏn. dỽẏ
geinnaỽc bop tẏmhor arnaỽ a|dẏrch+
eif. Kalan racuẏr gỽedẏ hẏnnẏ; dỽẏ
ar|hugeint a|tal. Hẏt galan whefra+
ỽr; pedeir ar|hugeint a|tal. Eil dẏd wh+
efraỽr ẏ|dodir ieu arnaỽ. Ac ẏna pedeir
keinnaỽc cota a|dẏrcheif ar|ẏ|werth.
Naỽuettẏd wheuraỽr ot ẏmeill ac
eredic. vn ar|bẏmthec a|dẏrcheif ar+
naỽ dros ẏ|teithi. A|dỽy geinnaỽc o|r ty+
mor. Ac ẏna whech a deugeint a|tal hyt
| « p 153 | p 155 » |