LlGC Llsgr. 24049 (Boston 5) – tudalen 51
Llyfr Blegywryd
51
no hẏnnẏ. Seithuet ẏỽ; Morỽẏn am ẏ|gỽ+
ẏrdaỽt. os ẏ|rodet idaỽ a|e hameu ẏr gỽae ̷+
thau ẏ breint; credadỽẏ vẏd hi o|vẏỽn ẏ
deudeg mlỽẏd. Os gỽedẏ ẏ deudeg mlỽẏd;
ẏ|llỽ ar|ẏ phẏmhet o|r dẏnẏon nessaf idi
a|dẏrẏ. O|r treissẏr morỽẏn hagen. a|dẏw+
edut o|r treissỽr nat oed vorwẏn. tẏstolẏa+
eth ẏ vorỽẏn e|hun a|gredir ẏnn|ẏ erbẏn ef
am ẏ morwẏndaỽt. Wẏthuet ẏỽ; bugeil
trefgord am lỽdẏn a|lathont ẏsgrẏbẏl ẏ
tref ẏnn|ẏ wẏd. ac ẏnn|ẏ warchadỽ. Naỽu+
et ẏỽ; lleidẏr ỽrth ẏ|groc pan vo dieu gan+
taỽ ẏ|grogi. credadỽẏ vẏd heb greir. ar ẏ
gẏt·leidẏr. ac am ẏr hẏnn a|duc ẏn lletrat.
Ẏ|gẏt·leidẏr nẏ bẏd crogadỽẏ hagen ẏr ge+
ireu ẏ llall. namẏn lleidẏr gwerth. LLeidẏr
am letrat kẏssỽẏn. o|r palla reith gwlat
ẏ·daw. dirỽẏus vẏd. CRedadwẏ vẏd am+
odỽr rỽg deudẏn a|e hadefuo. Ac vell·ẏ ro+
daỽdẏr da am ẏr hẏnn a|rotho. Ac ỽrth
hẏnnẏ ẏ|dẏwedir. nẏt rod onnẏt o vod.
A rodaỽdẏr gỽreic a|tẏgho ẏnn|ẏ mod ẏ
rother. Y neb a|alhwo* tẏston ac nẏ allo
ẏ|dỽẏn rac wẏneb; dẏgỽẏdet ẏ|dadẏl.
Oet tẏston gorwlat. neu warant gor+
| « p 50 | p 52 » |