LlGC Llsgr. 24049 (Boston 5) – tudalen 9
Llyfr Blegywryd
9
mhỽt ẏ|bo ẏndaỽ. NAud ẏr offeirat teu+
lu ẏỽ; dỽẏn ẏ|dẏn hẏt ẏr eglỽẏs nessaf
idaỽ. NAud ẏ|distein ẏrỽ; o|r pan dechreu+
ho distein seuẏll ẏnn|ẏ sỽẏd. hẏnnẏ el
ẏ|dẏn diwethaf o|r llẏs ẏ|gyscu. NAỽd
ẏr hebogẏd ẏỽ; hebrỽng ẏ dẏn hẏt ẏ
lle pellaf ẏ|bu ẏ dẏd hỽnnỽ ẏnn|ẏ hebo ̷+
gẏdẏaeth. NAỽd ẏ|braỽdỽr ẏỽ; hebrỽg
ẏ|dẏn kẏhẏt o amser. ac o|r pan dechreu+
her dadẏl rac ẏ|vron ẏ|bore hẏt ban ter+
uẏnho ẏ dadẏl diwethaf ẏnn|ẏ dẏd hỽn+
nỽ. NAud ẏ|penguastraỽt ẏỽ; tra barha+
ho redec ẏ|march kẏntaf a|uo ẏnn|ẏ gadỽ.
NAỽd ẏ|penkẏnẏd ẏỽ; hẏt ẏ|lle pellaf ẏ
breid glẏỽer ẏ gornn. NAud gỽast ẏstau+
ell ẏỽ; o|r pan elher ẏ|vrỽẏnha a|thannu ̷
gỽelẏ ẏ|brenhin o|r brỽyn. a|e gudẏaỽ a
dillat. ẏr hẏt honno hebrỽg ẏ|dẏn. NA+
ỽd distein brenhines ẏỽ; o|r pan dechreu+
ho seuẏll ẏnn|ẏ sỽẏd ẏnn|ẏr ẏstauell h ̷+
ẏt pan el ẏ|dẏn diwethaf o|r ẏr* ẏstauell
ẏ|gyscu. NAỽd offeirat brenhines ẏỽ;
hebrỽg ẏ|dẏn hẏt ẏr eglỽẏs nessaf ~ ~ ~
| « p 8 | p 10 » |