LlGC Llsgr. 24049 (Boston 5) – tudalen 92
Llyfr Blegywryd
92
dẏn ẏssẏd; nẏ dichaỽn vn ohonunt
vot ẏn vraỽdỽr teilỽg trỽẏ gẏurei+
th; vn ẏỽ; dyn anauus. megẏs by+
dar. neu dall. neu glauur. neu dẏn
gorffỽẏllaỽc. dẏn a orffo ẏ rỽẏmaỽ
vn·weith am ẏ ẏnvẏntrỽẏd. neu
dẏn allo dẏỽedut ẏn iaỽn megys
crẏc anẏanaỽl. Eil ẏỽ; dẏn eglỽẏs+
sic rỽẏmedic ỽrth vrdeu kẏssegred+
ic. neu ỽrth grefẏd. Trẏdẏd ẏỽ; lle+
ẏc heb allu trỽy gẏureith idaỽ varnu.
o|vreint tir. neu o vreint sỽẏd. Te+
ir fford ẏ gellir gỽrthot braỽdỽr tei+
lỽg; vn ẏỽ; o|e vot ẏn agkẏffredinn
ẏnn|ẏ dadẏl kẏn barn rỽg ẏ kẏnnen+
husson ẏ|mẏỽn ỻẏs. Eil ẏỽ; ẏ vot ẏn
gẏurannaỽc ar|hẏnn ẏ|bo ẏ|dadẏl oh+
onnaỽ. pei gellit ẏ|henill trỽy varn.
Trẏdẏd ẏỽ; kẏmrẏt gobẏr am|ẏ da+
dẏl ar|ny|bo gossodedic ẏ vraỽdỽr ẏ
mẏỽn kẏureith. NẎ ellir kẏmell
dẏn eglỽẏssic ẏ|ỽrtheb ẏ|neb o|vaes
y sened o|r kameu a|dẏwetter arnaỽ.
Os gỽr eglỽẏssic a|gẏnheil tir trỽy
dẏlẏet dan ẏ|brenhin ẏ|perthẏno wne+
| « p 91 | p 93 » |