LlB Llsgr. Cotton Cleopatra A XIV – tudalen 34v
Llyfr Cyfnerth
34v
in mu o·honunt. mal y bo kyflaỽn o ar+
goel hyt yn llys dineuỽr. Sef a| telir yg
galanas brenhin tri chymeint ae sar ̷+
haet gan tri drychauael. O tri mod y ser+
heir y urenhines. pan torher y| naỽd.
A| phan traỽher trỽy lit. A phan tynher
peth oe llaỽ gan treis. Ac yna trayan ky+
werthyd sarhaet y brenhin a| telir yr| ure ̷+
nhines heb eur a| heb aryant hagen.
Un dyn ar pymthec ar hugeint ar ue ̷+
irch a| wedha yr brenhin eu kynhal yn
y getymdeithas. y petwar sỽydaỽc ar
hugeint. ae deudec guestei. Ac ygyt
a hynny y| teulu. ae wyrda. ae uacỽye+
it. Ae gerdoryon. Ae ychenogyon. Enry ̷+
dedussaf yỽ yr edlig guedy y brenhin
ar urenhines. braỽt neu vab neu nei
uab braỽt uyd yr etlig yr brenhin.
Naỽd yr etlig yỽ canhebrỽg y dyn a| wnel
y cam yn diogel. Vn sarhaet ac vn al ̷+
anas uyd yr etlig ar brenhin. eithyr
| « p 34r | p 35r » |