LlB Llsgr. Cotton Cleopatra A XIV – tudalen 67r
Llyfr Cyfnerth
67r
.Hyt galan racuer pedeir ar dec a tal. Hyt ga ̷+
lan whefraỽr vn ar pymthec a| tal. Hyt ga ̷+
lan mei deu naỽ a| tal. Hyt aỽst ugeint a| tal.
Tranoeth dỽy geinhaỽc or tymhor a phedeir
oe chyflodaỽt a drycheif arnei ac yna whech
ar| hugeint a| tal hyt galan gayaf. Odyna
hyt galan whefraỽr. ỽyth ar hugeint a| tal. Hyt galan
mei dec ar hugeint a| tal. Naỽuetdyd mei
y dyly bot yn teithaỽl. dyuot llaeth o pen
pop teth idi. Ac ymdeith oe llo naỽ cam yn
y hol. Ac ony byd uelly hi. Vn ar pymthec
uyd y theithi. dỽy geinhaỽc heuyt a| gym ̷+
er or tymor. Ac uelly ỽyth a deugeint a| tal.
hyt aỽst. Odyna hyt galan racuyr dec a de ̷+
ugeint a| tal. Hyt galan whefraỽr deudec a deuge+
int a tal. Tranoeth dỽy geinhaỽc or tymhor
a phedeir keinhaỽc kyfreith or eil kyflo+
daỽt. Ac yna trugeint a| tal. Guerth corn
buỽch neu ych ae llygat ae chlust ae lloscỽrn
pedeir keinhaỽc kyfreith a| tal pop vn o+
honunt. Teth buỽch pedeir keinhaỽc kyf+
| « p 66v | p 67v » |