LlB Llsgr. Cotton Titus D IX – tudalen 44r
Llyfr Blegywryd
44r
ryssonn rỽg deu wystyl a|rother erbyn yn
erbyn yn llaỽ y brenhin; pymthec niwar+
naỽt. ac val hynn y dosperthir. yn gyn+
taf y|dyly y brenhin yn hedychaỽl gỽar+
andaỽ yn|y llys amrysson y|neb a|ỽrth+
ỽyneppo y|braỽdỽr. ac odyna atteb y|bra+
ỽdỽr ol yn ol. Odyna y|neb a|dywetto yn
erbyn y|braỽdỽr. a|dyly dangos o|lyuyr
kyureith braỽt teilygach no|r honn a|dan+
gosses y|braỽdỽr os dichaun. ac velly y
goruyd ef y braỽdỽr. Onny|s dichaun y
braỽdỽr bieu goruot. cany dichaun neb
anteilygu braỽt yn erbyn gỽystyl y|b ̷ ̷+
raỽdỽr. Onny eill ynteu dangos braỽt a
vo teilygach yn|yscriuenedic; Os yr amrysson erbyn yn erbyn a|vyd yg |kyfreith yscriuenedic y dosparth
a|dodir ar|y kynnhonnỽyr a arueront o ̷
a|r honn a|ỽeler yn nessaf y|r wironned wironed teilygaf yỽ y chynnal yn|y gyfreith.
O R dyry neb wystyl yn erbyn braỽt a
rotho braỽdỽr ac a|datkano heb lyuyr
kyureith kyttrychaỽl. y braỽdỽr bieu de+
ỽis ae rodi gỽystyl yn|y erbyn ae godef
trỽy y|gỽrthỽyneb hỽnnỽ dangos yna
neu ar|oet braỽt teilyghach o|gyureith
yscriuenedic. O|r dyry gỽystyl; y|neb y|gor+
fforer arnaỽ collet werth y|tauot. Os go+
def; kynn gorffo y|llall; ny chyll y|braỽ ̷ ̷+
| « p 43v | p 44v » |