Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 71r

Llyfr Blegywryd

71r

peth. Gỽys. a|haỽl. ac atteb. a|barnn. Pen+
kenedyl punt a|dyry ynn|y vlỽydyn y|r ar+
glỽyd. Pob gỽr ryd rỽg gỽyl yr|holseint
a|gỽyl martin y|tal y|r arglỽyd yr hynn
a|dylyho y|talu. Pennkenedyl bieiuyd
pob sỽyd o|r a|vo y|r genedyl. ac o|r dyry
ynteu sỽyd y vab idaỽ. neu y|gar idaỽ.
punt a|dyry ef y|r arglỽyd. ac o|r ryd+
ha vn ohonunt heb rodi sỽyd idaỽ;
wheugeint a|dyry hỽnnỽ y|r arglỽyd.
Y|neb a|talho vgeint sỽllt ynn|y vlỽyd+
yn y|gymeint a|tal yn amobyr y|verch.
a|phan gymero tir. Y|neb a|talho dec sỽ+
llt. velly dec sỽllt ynn|y ebediỽ a|tal. yn|y
racdywededigyon achỽysson. POb erỽ
o|tir kyllidus a|tal kymeint a|e|gilyd
S Eith escopty ys+|y vlỽydyn.
syd yn|dyuet. vn yỽ; Mynyỽ; yn
eistedua arbennic yg|kymry.
Eil yỽ; eglỽys ysmael. Tryded yỽ; llan
degman. Petỽared yỽ; llann vsyllt. Py+
mhet yỽ llann teilaỽ. whechet yỽ;
llan deulydaỽc. Seithuet yỽ; llann ge+
neu. abadeu teilaỽ. a|theulydaỽc. ac ys+
mael. a|degman. a|dylyant vot yn|ly  ̷+
thyraỽl vrdolyon. Ebediỽeu y|rei hynny