Llsgr. Caerdydd 1.363 (Hafod 2) – tudalen 174v
Brut y Brenhinoedd
174v
ar ffo. Ac|wrth henny estwng kanthvnt a gw+
naethant e brytanyeyt. ac ev llad. ac eỽ bvrv
ac ev hyspeyllyaỽ. ac erlyt er rey a ffoynt. a
daly llawer o|r rey a damvnynt eỽ dangos yr b+
renyn. Ac o|r dywed gwedy gwnevthvr llawer
o perygyl a drwc o·nadvnt er rỽueynwyr.
Wynt a ymchwelassant ar eỽ pebyllev y gyt ar
karcharoryon. ac espeylyeỽ. a chan lewenyd
wynt a dangossassant y arthvr petreyvs ar k+
archaroryon ereyll y gyt ac ef. Ac arthvr kan
dyrvavr lewenyd a dyolches vdvnt eỽ llafvr ac
eỽ gwassanaeth y gyt ac adav vdvnt achwanegv eỽ
anryded. ac eỽ kyỽoeth. kanys en|y abssen ef e gwna+
thoedynt wy molyant a mylvryaeth kymeynt a ho+
nno. Ar charcharoryon* a vynney eỽ kadỽ. Wrth he+
nny ef a elwys attaỽ rey a elhynt y gyt ac wynt tran+
noeth hyt em parys y ev rody eno ar e gwyr a oedynt
en kadỽ e kastell wrth eỽ gwarchadv eno hyt pan w+
yppey pa peth a gwnelhey vdvnt. Ac|wrth henny
ef a erchys y kadwr yarll kernyw. ac y bedwyr. a
Rychert. a bossel. a Rychert. ac eỽ teỽloed y gyt
ac wynt y eỽ hebrwng hyt pan delhynt en dyogel
| « p 174r | p 175r » |