Llsgr. Caerdydd 1.363 (Hafod 2) – tudalen 7r
Brut y Brenhinoedd
7r
hynny hep keyssyaỽ twyllaỽ y gwylwyr ar gw+
erssylleỽ yn kyntaf. a chanys yn y rey hynny yd o+
ed reyt ymchwelỽt yr arỽeỽ yn kyntaf. Wrth
hynny y mynnaf ynneỽ trwy de gallder ty at
synhwyr eỽ twyllaỽ wynt hyt pan ỽo dyoge+
lach ymy gwedy hynny kyrchỽ am penn y gro*+
gweyssyon ereyll. Ac wrth hynny yn gall ky+
mer tytheỽ arnat pwys y neges honn ac am
pryt kyntỽn o|r nos hon dos ragot hyt ar y gw+
ylwyr ac yn gall trwy ystryw dy amadrodyon
ty twyll wynt a dywet ry dyỽot o·honaỽt ty
ac antygonỽs o|m karchar y ar ry dwyn oho+
naỽt yỽelly hyt y meỽn glyn dyrys ar ry adaỽ
yno ef hep allỽ rac pwys yr heyern y dwyn
a ỽey pellach namyn y adaỽ yno yn llechỽ ym
plyth dreyn a myery a deryssỽch. Ac gwe+
dy hynny dwc dytheỽ wynteỽ hyt y glyn hỽnn
megys y rydhaỽ antygonỽs. megys y kaffwyf
ynheỽ wynt wrth ỽy ewyllys.
AC gwedy gwelet o anacletỽs y cledyf
noeth a geyryeỽ y tewyssaỽc yn goky+
| « p 6v | p 7v » |