LlB Llsgr. Harley 958 – tudalen 23v
Llyfr Blegywryd
23v
gẏffreith. Eil ẏỽ dadẏl ẏ bo amdiffin ẏndi
neu ẏn amgen gỽat am|tir. Trẏ·dẏd ẏỽ
dadẏl o ỽrthrẏmder brenhin ẏn erbẏn kẏf+
O |tri mod ẏd holir tir. o gamwres* +[ reith
crẏn. Ac o dadanhut trỽẏ uedẏant tat
neu vam hẏt agheu Ac o ach ac edrẏt. kẏ+
nẏ thẏckẏo gouẏn tir o|r mod kẏntaf nac
o|r eil. nẏ bẏd hỽẏrach no|chẏnt ẏ keffir
o|r trẏdet. Tri cam·wreskẏn ẏssẏd. gỽeres+
kẏn ẏn erbẏn ẏ perchennaỽc o|e anuod a heb
vraỽt. neu wreskẏn troẏ ẏ perchennaỽc ac
ẏn erbẏn ẏ etiued o|e anuod heb vraut. neu
wreskẏn trỽẏ wercheitwat ac ẏn erbẏn ẏ
iaỽn dẏlẏedaỽc o|e anuod a heb vraỽt. Perchen+
naỽc ẏỽ ẏ neb a uo ẏn medu ẏ|dẏlẏet dilis.
Gwercheitwat ẏỽ ẏ neb a gẏnhalẏo neu
a warchatwo dẏlẏet dẏn araỻ. O|tri mod
ẏ dosperthir dadẏl datanhut ẏ·rỽg etiuedẏ+
on. nẏt amgen trỽẏ tri breint anẏanaỽl.
kẏntaf ẏỽ breint oet ẏ·rỽg ẏr hẏnaf a|r
ieuaf. Eil ẏỽ breint priodas ẏ·rỽg etiued
kẏfreithaỽl ac vn aghẏfreithaỽl. kanẏs
ẏ kẏfreithaỽl a|e keiff oỻ. Trẏdẏd ẏỽ
breint dẏlẏet ẏ·rỽg dẏlẏedaỽc ac andẏlẏ+
edaỽc. Os tat·deu ẏ rei hẏnnẏ hagen a gẏn+
halassant ẏr vn tir wers tra gwers hẏt
| « p 23r | p 24r » |