LlB Llsgr. Harley 958 – tudalen 30v
Llyfr Blegywryd
30v
ru rỽg ẏ perchennaỽc a|r keitwat am|ẏ da
ẏ keitwat bieu tẏghu a|r vn dẏn nessaf
ac ef. os peth a watta a pheth a adaf* O gỽa+
ta neb adneu a rodho dẏn ẏn|ẏ laỽ ẏ gadỽ
neu torr tẏ; rodet reith deudẏblẏc. megys
ẏ mae am veich kefẏn neu pỽn march.
Teruẏnedic ẏỽ o pỽn march o adneu ỻỽ
petwar|gwẏr ar hugeint. Am veich kefẏn
ỻỽ degwẏr. Y taẏogeu a dẏlẏ iaỽnhau
ẏ kameu a|wnel eu meibon ẏnẏ vont pede+
ir blỽẏd ar dec. Ac odẏna eu tadeu a dẏlẏ
eu gorchẏmẏn ẏ|r brenhin Ac e|hunein her+
wẏd kẏfreith a atebant drostunt.
U ẏth pẏnuarch brenhin ẏnt. Mor. A dif+
feith brenhin. Ac echenaỽc estronaỽl ẏn
kerthet tir ẏ brenhin. A|ỻeidẏr. Marỽtẏ dẏn
a vo marỽ o agheu deissẏuẏt. brenhin bieu
ran ẏ marỽ o|r da oỻ. ac nẏ cheiff dim o ran
ẏ wreic a|r meibon. Ebediỽ. A dirỽẏ. A|cham+
lỽrỽ. Un dẏn nẏ dẏlẏ ẏ tẏ ẏ vot ẏn varỽ·ty
kẏffoet marỽ heb gẏmmun. ẏgnat ỻẏs. Braỽ+
dỽr a dẏlẏ gỽarandaỽ ẏn ỻỽẏr kadỽ ẏn gofaỽ+
dẏr. discu ẏn graff datganu ẏn war. barnu ẏn
trugaraỽc. Vn weith pob blỽẏdẏn ẏ keiff
ẏ|brenhin luẏd o|e wlat ẏ orwlat ẏ·gyt ac ef
bẏth hagen pan vo reit ẏ ỻuẏdir ẏ·gyt ac ef
| « p 30r | p 31r » |