LlB Llsgr. Harley 958 – tudalen 42r
Llyfr Blegywryd
42r
deỻ. Y uỽẏaỻ lẏdan a|r gogẏr a|r sỽch a|r
vn crẏman. Y ỻin a|r ỻinhat. gỽlan a|r
tlẏsseu eithẏr eur ac arẏant. Y rei hẏnnẏ
o|r bẏdant ẏn deu hanher ẏ renhẏr ẏ·rẏd+
unt. Ac ueỻẏ ẏ gỽeeu ỻin a|gỽlan ẏn deu
hanher ẏ rennir. Ẏ gỽr a geiff ẏr ẏscubaỽr
a|r ẏt a vo ar ẏ daẏar ac ẏn|ẏ daẏar. A|r ieẏr
a|r gath o|r bẏd ereill ẏ wreic a|e keiff. Ẏ wre+
ic a geiff ẏ kic ẏn heli a heb halaen. Ac ueỻẏ
am ẏ kaỽs ẏn heli a heb halaen. Ẏ gỽr bieu
ẏ kic a|r kaỽs drẏchauedic oll a|r ỻestreit
bỽlch o|r emenẏn. a|r bacẏneu bỽlch. a|r
kaỽs bỽlch. A|r wreic a geiff o|r blaỽt kẏ+
meẏnt ac a aỻo ẏ dỽẏn rỽg ẏ dỽẏlaỽ ỽrth
pen ẏ deulin o|r geỻ ẏ|r tẏ. Pop vn a geiff ẏ
wiscoed e|hunan ẏn gỽbẏl eithẏr ẏ mentẏll
a rennir. O|r gat gỽr ẏ wreic ẏn aghẏfre+
ithaỽl. a dỽẏn araỻ attaỽ. ẏ wreic ỽrthot
a dẏlẏ trigẏaỽ ẏn|ẏ thẏ hẏt ẏm|pen ẏ naỽ+
uetdẏd. Ac ẏna o|r gellẏgir hi ẏ ỽrth ẏ gỽr ẏn
hoỻaỽl. pop peth o|r eidi hi a dili mẏnet ẏn gẏn+
taf o|r tẏ. A hitheu ẏn diwethaf ẏn ol ẏ hoỻ|da
aet o|r tẏ. Ac odẏna gan dỽẏn ẏ ỻaỻ. ef a dẏ+
lẏ rodi dilẏsrỽẏd ẏ|r wreic kẏntaf. kanẏ dẏ+
lẏ vn gỽr dỽẏ wraged o gẏfreith. Pỽẏ
| « p 41v | p 42v » |