Rhydychen, Llsgr. Coleg yr Iesu 20 – tudalen 61r
Saith Doethion Rhufain
61r
daỽ y nos hono A thrannoeth drỽy vaỽ+
red dyuot tu a|r* porth y kastell a galỽ
y porthaỽr attaỽ. ac erchi idaỽ vynet
y ovyn y|r brenhin a vynnei varchaỽc
ieuangk diffals diwyt yn ỽr idaỽ.
a dyuot a|oruc att y brenhin a dywe ̷ ̷+
dut veỻy ỽrthaỽ. Goỻygher y myỽn
heb ef y edrych a aller defnyd o·honaỽ.
a|r marchaỽc a doeth y|r ỻys. a chan+
moledic vu gan baỽb y dyuodyat
ef. Ac ar vyrder kyn ganmolediccet
vu a|e wneuthur o|r brenhin yn o ̷+
ruchel dros y gyuoeth. Ac yna y
dywaỽt ef ỽrth y brenhin bot yn
reit idaỽ gael ỻe dirgeledic y vydyly+
aỽ yg|kylch sỽyd a chyfrif. kymeint
ac a oed arnaỽ. Edrych y kyfle a vy+
nych a chymer ef heb y brenhin
ỻyma a vynnỽn i arglỽyd heb ef.
gadu ym adeilyat ystauell yn ym+
yl y tỽr kanys diamsathyr yỽ yno.
| « p 60v | p 61v » |