Rhydychen, Llsgr. Coleg yr Iesu 57 – tudalen 139
Llyfr Blegywryd
139
gerỽyneit o vragaỽt a delir. o·ny cheffir bragaỽt.
pedeir o|r kỽrỽf a|delir. Ac ueỻy y byd dros westua
P edeir randir a vyd yn|y dref y [ gaeaf
taler gỽestua brenhin o·honei. Pan da+
ler gỽestua haf. ny thelir nac aryant. nac e+
bran. Yng|gỽestua haf y telir pedwar daỽn+.
bwyt. heb aryant. heb ebran. heb gỽryf. a|chic
buch vras heb groen. a|heb amyscar. Dros
tri daỽn·bỽyt haf y telir buch. dros y pedweryd
y telir maharen bras teirblỽyd. a buch* dri gae ̷+
af dri·byssic. Y dref a|dyly dỽyn y rei hynny oỻ
y|r brenhin. a chynneu tan teir·nos a|thri·dieu
idaỽ. Deu daỽn·bỽyt a|dyly y brenhin y gaffel
gan y vileinyeit bop blỽydyn. Messur hynny
yỽ. hỽch dri·byssic yn|y hysgỽydeu. ac yn|y heis
ac yn|y chlunyeu. ac hanherob o gic haỻt. a
thrugeint torth o uara gỽenith. chwech oho+
nunt yn beiỻeit. pedeir y|r neuad. a|dỽy y|r
ystaueỻ. o|r tyf gỽenith yno. ac ony thyf gỽe+
nith yno. bint y bara yn geirch. a chwech yn
| « p 138 | p 140 » |