Rhydychen, Llsgr. Coleg yr Iesu 57 – tudalen 65
Llyfr Blegywryd
65
ỻys peunydyaỽl y brenhin. dirỽy pob un o|r ym+
ladwyr heb wadu o|vn o·honunt yn erbyn y|gilyd
nac yn erbyn y distein chỽe|phunt vyd. Os o
uaes y ỻys y byd. teir|punt vyd. O|r paỻa re+
ith y|r neb a|watto ymlad. dirỽyus vyd megys
na|wattei dim. Divỽyn dirỽy treis yỽ. gỽialen
aryant. a|ffiol eur a chlaỽr eur arnei. mal y
dywetpỽyt am y messureu yn diuỽyn sarha+
et brenhin. Difỽyn dirỽy ymlad yỽ. deudeng
mu. Difỽyn dirỽy ledrat yỽ. kyssỽynaỽ ỻedrat
ar|dyn a|gỽadu a*|gỽadu* o·honaỽ ar y dauaỽt
yn da. a|gossot reith arnaỽ. a|e phaỻu. ỻeidyr
kyfadef kan paỻaỽd y reith. Gỽirion o|e benn
e|hun a|e|dauaỽt ny delit dim yn|y laỽ. ny
chaffat dim ganthaỽ. deu·deng|mu dirỽy arnaỽ.
T eir rỽyt brenhin ynt. y teulu. ac aỻỽ+
est y verch*. a|e breidoed gỽarthec. Pede+
ir keinyaỽc. kyfreith. a|geiff y brenhin o bop eidon
a|gaffer ym|plith y warthec. Ac ueỻy o bop
march ym|plith y veirch. Teir rỽyt breyr
| « p 64 | p 66 » |