Rhydychen, Llsgr. Coleg yr Iesu 57 – tudalen 74
Llyfr Blegywryd
74
byd penkenedyl. ỻỽ dengwyr a deugeint o|r
genedyl a|e gỽatta. ac ueỻy mam neu ge+
nedyl mam a|dichaỽn dỽyn y kyfryỽ eti+
ued hỽnnỽ y genedyl. gan y o·def udunt.
Ny dyly praỽf vot o bleit etiued kyssỽyn yn
erbyn gỽat kỽbyl o|r parth araỻ. namyn
praỽf a|dyly bot gan y odef o|r bleit araỻ.
kanys godef ym pob peth a dyrr kyngaỽs.
Os gỽreic a|e dỽc ef. tynget ar yr aỻaỽr
gyssegredic o·ny chredir heb y thỽng neu
o·ny we dir kỽbyl yn|y herbyn. Teir gor+
mes do eth ynt. Meddaỽt. a godineb. a
drycanyan. Tri dyn a|dyly tauodyaỽc yn
ỻys. Gỽreic. ac aỻtut angkyfyeithus a|chryc
anyanaỽl. vn dyn hagen a dyly dewis
y dauotyaỽc. arglỽyd. ac ef a|dyly kymeỻ
y r rei ereiỻ tauodogyon. Tri ỻỽdyn di+
gyfreith eu gỽeithret ar aniueilyeit mut.
ystalỽyn. a|tharỽ trefgord. a baed kenue+
in. Digyfreith heuyt yỽ gweithret tarỽ
| « p 73 | p 75 » |