Rhydychen, Llsgr. Coleg yr Iesu 57 – tudalen 87
Llyfr Blegywryd
87
hynny. kanys gỽrthtyston ynt. Teir tystoly+
aeth yssyd ar eir. ac ny|dygir y|r|creir. tystoly+
aeth ỻeidyr ar y gytleidyr ỽrth y groc. a thys+
tolyaeth nyt eler yn|y herbyn pan dycker
ar eir. a thystolyaeth gỽrthdyston.
T Ri ỻeidyr camlyryus yssyd. ỻeidyr
ki. a|ỻeidyr ỻysseu yny dyuont o|r dae+
ar. a ỻeidyr arnaỽ yn gỽadu ỻedrat ony|s
ỻyssa. Tri ỻeidyr dirỽyus yssyd. ỻeidyr hyd
brenhin gỽedy as|ỻado y gỽn. a|ỻeidyr y paỻo
y reith idaỽ. a lleidyr a|lado llỽdyn y dyn araỻ
yn|y ty. neu yn|y vuarth yn|ỻedrat. Tri ỻei+
dyr gỽerth yssyd. ỻeidyr y caffer dogyn vanac
arnaỽ trỽy eglỽys. a chyt·leidyr ỻeidyr a gr+
ocker am ledrat. a ỻeidyr a|dalyer gỽerth
pedeir keinyaỽc ganthaỽ. neu lei o da ma+
rỽaỽl yn ỻedrat. Tri ỻeidyr crogagỽy* ys+
syd. ỻeidyr da bydaỽl* a|dalyer vn ỻỽdyn ar
y liỽ ganthaỽ. a ỻeidyr da marỽaỽl a dalyer
gỽerth pedeir keinyaỽc. kyfreith. ganthaỽ neu a vo
| « p 86 | p 88 » |