Breudwd Rhyddiaith Gymraeg 1300-1425
English

LlGC Llsgr. Llanstephan 27 (Llyfr Coch Talgarth) – tudalen 153v

Deall Breuddwydion

153v

*Deall y breudwydon herwyd danẏel broffỽyt. 
G ỽelet adar drỽy dy|hun. Enniỻ a|arỽydockaa. 
Dỽyn arueu drỽy dy hun. enryded a|arỽydockaa. 
Coỻi adar drỽy dy hun. coỻet a arỽydockaa. 
Esgynnu ar brenn. Kennat da a arỽydockaa. 
Gỽelet kerbyt yn redec. Jrỻoned a|arỽydockaa. 
Gỽelet yn kymryt modrỽyeu. diogelrỽyd a arỽydockaa. 
Yfet accetỽin. gỽin yỽ hynny. Molest orthrỽm a|arỽydockaa. 
Dy welet yn gỽisgaỽ offerenwisc. Peth gỽrthỽy·neb a|arỽydockaa.
Caffel wyn neu vynneu. didanỽch a|arỽydockaa. 
Dy welet yn rỽygaỽ arueu. coỻet a|arỽydockaa. 
Dy welet yn tynnu bỽa. Jrỻoned a|arỽydockaa. 
dy welet yn kaffel eur neu aryant detwydyt a|arỽydockaa. 
Gỽelet canu offeren. detwydyt a|arỽydockaa. 
Nessau ar ganu offeren. ỻewenyd maỽr a|arỽydockaa. 
Gỽelet eredic. ỻauur a|arỽydockaa. 
Gỽelet yn ymgussanu a phennadur. neu gyfrỽch ac ef. ỻewenyd a|arỽydockaa
Gỽelet tynnu gỽenyn.  ỻewenyd a|arỽydockaa. 
Gỽelet ymlad a gỽenyn.  ymlad a|th elynyon a|arỽydockaa. 
Gỽelet yn gỽisgaỽ gỽisc eureit. kynghoruynt a|arỽydockaa  
Gỽelet yn gỽisgaỽ coron eur. gỽythloned a|arỽydockaa. 
Rodi eur neu y|welet. kynghoruynt a|arỽydockaa. 
Rodi eur ytt  a arỽydockaa. 
Gỽelet eryr yn dyuot y|r ty. anghyfeiỻach a|arỽydockaa. 
Gỽelet eryr neu golomen arnaỽ. enryded a|arỽydokaa. 
Gỽelet dy rỽymaỽ. teruysc a|arỽydockaa. 
Gỽelet kythreuleit y|th uolestu. enryded a|arỽydockaa. 

 

The text Deall Breuddwydion starts on line 1.