LlGC Llsgr. Llanstephan 27 (Llyfr Coch Talgarth) – tudalen 36v

maen gỽerthuaỽr claerwynn ac a|geffir yn|yr yspaen eith+

af. ac a|eỻir y nydu a|gỽneuthur gỽisgoed o|r|aued* hỽnnỽ. a|r

wisc a|wneler ohonaỽ a olchir yn|y tan pan vutrao. a byth

y para. ac a|elwir. vryael. kanys o efrei. tan yỽ o gymraec.

a botymeu o eur perffeithgoeth ar bop ỻawes o ardỽrn hyt

ym|penn·elin. a rudem gỽerthuaỽr ar bop bottỽm. Ac ueỻy yd

oed ar y|dwy·vronn o|e elgeth hyt y wregis. a|chrys a|ỻaỽdyr o|r

bissỽn mein·wynn ymdanaỽ. Sef yỽ y bissỽn. mein·ỻin o wlat

yr eifft. ac esgidyeu o|r cordỽal purdu yn arỽydockau y|dyn+

aỽl gnaỽt a gymerth ef o|r|daear dywyỻ. a|gỽaegeu o eur yn

kaeu ar|eu mynygleu. A|ỻafneu o eur yn gyflaỽn o wynny+

on emmeu o vynygleu y draet hyt y|mlaenyon y vyssed. Ac

ar|uchaf y beis glaerwenn honno a arwydockaei ganheitliỽ

diargywed y gỽerydon yd|oed ysginn o bali fflamgoch gỽedy y

liwaỽ a|gỽaet pedeir|mil a|seith ugein mil o verthyri meibyon

diargywed a|las yn keissyaỽ crist yn|y enỽ ef. kyt bot un o+

honunt yn dỽy·vlỽyd. a hynny oỻ o veibyon a|oedynt yn|y

gylch ef yn canu gỽaỽt idaỽ. ac ny aỻei neb vch y daear nac

is y|daear y chanu. namyn ỽynt e|hunein. Ac ystyr y waỽt a

genynt hyt y gaỻei y braỽt y dyaỻ oed hynn.  ~ ~ ~  

D Jolchỽn ion. ytt dy rodyon. ynn yn veibyon. na|boet

dirrym. Pei|beym henyon. ual yn dynyon. coỻedigy+

on digỽyn vydym. Neu|n|differeist. Pan yn rodeist. gỽaet a|gre+

eist yn|greu ffrỽythlym. Maỽr y|n kereist. o|n gỽyargeist. y|n be+

dydyeist bydoed erdrym. yor crist keli. ỽrth dy voli. klyỽ yn gỽe  ̷+

di gỽaet a eiryaỽl. Mae gennym ni. o|th radeu di. kynn yn profi

praỽf budugaỽl. Gỽaet heb dauaỽt heb gryfder knaỽt. heb