LlGC Llsgr. Llanstephan 27 (Llyfr Coch Talgarth) – tudalen 44v
Pa ddelw y dylai dyn gredu i Dduw
44v
a|gỽedy hynny y gorff e|hun. a gỽedy y gorff e|hun corff y gy ̷+
modaỽc. Sef a|dyly dyn puchaỽ y eneit a|chorff y gymodaỽc
kaffel y kyffelyb da a|ry·buchei y gaffel o|e eneit e|hun a|e
gorff. Ac yr keissyaỽ gan dyn garu duỽ yn vỽy no dim. a|e
gymodaỽc megys e|hun y gỽnaethpỽyt yr hoỻ yscruthyr lan.
G wedy cretto dyn yn|ffydlaỽn a|charu duỽ yn vỽy no
dim. ac yn|y mod y dylyo y garu. haỽd vyd ganthaỽ
wneuthur gorchymynneu duỽ. Sef yỽ hynny. erbynnyaỽ y
dengeir dedyf a|e kadỽ yn ffydlaỽn. a chyntaf o|r dengeir dedyf
yỽ. Na vit ytt eudwyeu. Yn y geir hỽnnỽ yd eirch duỽ. na ̷
wneler rinyeu nac arsangeu na chyfarỽydodeu. na sỽyneu
gỽahardedic gan yr|eglỽys gatholic eu gỽneuthur. Eil ge ̷+
ir dedyf yỽ. na chymer enỽ duỽ yn orwac. Yn|y geir hỽnnỽ
y gỽahard duỽ bop ryỽ anudon ac o·uerlỽ. Trydyd geir dedyf.
yỽ. Doet y|th gof gadu duỽ sul. yn|y geir hỽnnỽ yd eirch
duỽ y dyn. na wnel ef weith na|e was na|e vorỽyn na|e ani+
ueil. na phechaỽt marỽaỽl yn|dyd sul neu yn|dyd gỽyl a|wa+
hardo yr eglỽys. kanys yn|y dydyeu arbennic hynny y dyly+
ir gỽediaỽ a|golochỽydaỽ. a|gỽneuthur gỽeithredoed y dru+
gared. Pedweryd. geir. dedyf. Enrydeda dy uam a|th dat. Yn|y ge+
ir hỽnnỽ yd eirch duỽ y dyn wneuthur diwaỻ wassanaeth
drỽy uvuỻtaỽt. ac enryded y vam a|e uam*. a chyffelyb was+
sanaeth a|hỽnnỽ a|dyly dyn y|wneuthur o|e brelat a|e beric+
laỽr ac y tat cnaỽdaỽl neu y vam. Pymhet. geir. dedyf. yỽ. Na|lad
gelein. Yn|y geir hỽnnỽ yd eirch duỽ y|dyn. na ladho nac
a|e laỽ nac o|e arch. nac o|e gyngor. nac o|e ystryỽ. nac o gyt+
synnyaỽ na rodi ehovyndra y amdiffyn ỻeidyat. Ac yn|y geir
| « p 44r | p 45r » |