LlGC Llsgr. Llanstephan 4 – tudalen 35v
Breuddwyd Pawl
35v
P *wy bynnac a vynno
gỽybot pỽy gyntaf
a|lauuryaỽd. y|beri gorffowys duỽ sul
y|r eneityeu a|vei yn uffern; gỽybydet
ef mae paỽl ebostol a mihangel archang+
el a|e peris pan aethant y vffern. Sef y
gỽeles paỽl geyr ỻaỽ porth uffern deri
tanỻyt. ac ar|y deri hynny pechaduryeit
yn eu poeni ac yng|croc. Rei geyr eu
traet yn rỽym. Ereiỻ geyr eu dỽy+
laỽ. Ereiỻ geyr eu|tauodeu. Ereiỻ
geyr eu gỽaỻt. Ereiỻ geyr eu breich+
eu. Ereiỻ geyr eu mynygleu. Yn ỻe
araỻ y gỽeles paỽl ffỽrn o|dan yn ỻosgi.
a seith fflam yn|dyuot o|r|ffỽrn. a gỽahan+
liỽ ar bob vn o·honunt. Trỽy y seith
fflam hynny y dyeỻir y seith poen ys+
syd yn uffern; nyt amgen eiry. ia. tan.
gỽres. nadred. tywyỻỽc*. Drewyant.
ac y|r ffỽrn honno yd ant eneiteu y
pechaduryeit ny wnelont eu penyt
yn|y byt hỽnn yma. Rei o·honunt y+
no yn wylaỽ. Ereiỻ yn vdaỽ. Ereiỻ
yn erthỽch. Ereiỻ yn keissaỽ angheu
ac ny|s keffynt. kanny byd marỽ eneit
byth. Ac yno y gỽeles ef le araỻ yn
The text Breuddwyd Pawl starts on line 1.
| « p 35r | p 36r » |