LlGC Llsgr. Peniarth 11 – tudalen 151v

gỽnelut gam ac ef. Ac am hynny roder y gledyf idaỽ. Yn ỻawen

heb ynteu drỽy amot na nackao ynteu yr vnbennes gyntaf a

archo rod idaỽ beth bynnac vo. a|gỽalchmei a|ganhattaaỽd idaỽ

hynny. ac am y gennhadu. ef a|oruu arnaỽ odef ỻawer o gewilyd

am hynny. a ỻawer o|boen a|cheryd. ~  

E * Brenhin a|roes y gledyf y walchmei. ac yno y bu ef y nos

honno. A thrannoeth ef a|gerdaỽd racdaỽ yny doeth y

ymyl y|dinas yn|y ỻe y rassoed y bỽrgeis y varch idaỽ. ac a|do+

eth cof idaỽ yr amot a|oed y·ryngthaỽ ac ef. ac yno y safaỽd ef ~

hirynt yny doeth y bỽrgeis attaỽ. Ac yna pob vn a|uv lawen

ỽrth y gilyd onadunt. Gỽalchmei yna a|dangosses y gledyf.

A|r bỽrgeis a|e kymerth yn|y laỽ. ac a|drewis y varch a|dỽy yspar+

dun. ac a|gyrchaỽd y dref a|r cledyf ganthaỽ. a gỽalchmei yn|y

ol ynteu. y bỽrgeis a|doeth y|r dref. a gỽalchmei a|e hymlyna+

ỽd. ac a|doeth y|r dref yn|y ol. ac a|gyfaruv ac ef processio maỽr

o offeireit ac ysgolheigyon. a|chroes oc eu blaen. Gỽalchmei

yna a|diskynnaỽd o achaỽs y processio. a|r|bỽrgeis a|aeth y e+

glỽys a|r processio yn|y ol ynteu. Arglỽydi heb·y gỽalchmei pe+

rỽch y|r gỽr racko rodi yr hynn a|duc y gennyf. arglỽyd heb yr

offeiryeit y nyni y|mae ef yn|y dỽyn o|e roi ym mysc yn|creiryeu nin  ̷+

neu. ac a|dywaỽ* daruot y ti i* |roi idaỽ. kelwyd a|dwaỽt* heb·y gỽalchmei

mi a|e|dangosseis idaỽ yr dillwng vyng|cret. ac odyna ef a|dyw+

aỽt udunt ual y bu ryngthunt. a|e|damchein* e|hun heuyt. Ac

yna yr offeiryeit a|barassant roi y gledyf idaw. a|gỽalchmei

a|vu hoff ganthaỽ hynny. ac a|aeth ar geuyn y varch. Ac ny

cherdaỽd ef haeach odieithyr y dinas yny gyfarvu ac ef ~