LlGC Llsgr. Peniarth 11 – tudalen 218r

ỻys a|oedynt yn|drist o achaỽs angeu ỻacheu. A|phany bei yr amot

a|wnathoed y vorỽyn am gymryt oet hyt ym|penn y deudecuet dyd gỽe*

pan|delei o|r greal. ef a|dalyssit hynny arnaỽ kynn y vynet o|r ỻys.

kanys kỽbyl o vilwyr y vort gronn a|oedynt kyn|dristet am angh+

eu ỻacheu. ac na|wydynt beth a|wneynt. A|r|brenhin a|r vrenhi+

nes a|oedynt yn gyn|dristet ac na|lyuassei neb dywedut ỽrth·unt

na|drỽc na da. Yr vnbennes a|dugassei y prenuol yno a|dialaỽd y

chewilyd ar|gei yn|da|digaỽn diwarnaỽt. ac ny wybassit hynny

arnaỽ ef mor ehegyr ac y gwybuwyt pany bei y vorwyn e|hun.

a|phan oeraỽd y dolur hỽnnỽ gỽalchmei a|laỽnslot a|dywedassant

ỽrth arthur. Arglỽyd heb ỽynt ti a|wdost erchi o|duỽ ytti vynet

y|r casteỻ a vu eidaỽ brenhin peleur. y bererindaỽt seint greal.

Arglỽydi heb y brenhin a|minneu a|af yn ỻawen. yna y brenhin

a ymgyweiryaỽd ac a|dywaỽt. y|mae laỽnslot a gỽalmei a|aei y+

gyt ac ef. heb neb mỽy namyn un ysgỽier a|e gỽassanaethei

a|r vrenhines heuyt a|dugassei ef y·gyt ac ỽynt pany bei veint

y thristit am y mab. a|chynn mynet y brenhin ymeith ef a|be+

ris dỽyn penn y vab y ynys auaỻach yn|y ỻe yd oed gapel y ueir

a|meudwy santeid yn|trigyaỽ yn wastat. y brenhin a|gychwynna+

ỽd ymeith drỽy gymryt kennat y vrenhines a chỽbyl o|r milwyr.

a|gỽalchmei a|laỽnslot gyt ac ef. a chei ynteu a|edewis y ỻys rac

ovyn y milwyr ac a|aeth y vryttaen vechan. A|phan|gigleu paỽp

o|r ynyssoed hynny y ovyn a aeth ym|pob ỻe o vryttaen uaỽr. ac

nyt oed da y·ryngthaỽ ac arthur. achaỽs kynnal eiryoet hyt y

gaỻyssei a|wnathoed yn erbyn arthur. kanys gỽlat gadarn

oed yr|eidaỽ o drefi a|chestyỻ. a milwyr da a|fforestyd. Ef a|anuo+

nes