LlGC Llsgr. Peniarth 11 – tudalen 30r
Ystoriau Saint Greal
30r
na|than a|aỻo eu medalhau. o·ny bei aỻel o|dan yr yspryt
glan vynet yn eu callonneu. Eissyoes nyt aa yr yspryt
glan y le o|r y gỽypo bot y elyn yndaỽ. ac am hynny reit yỽ
bot yn|lan y|ỻetty y del duỽ idaỽ. ac o|achaỽs y caledi a|gat
yn|dy gallon di y dywetpwyt ỽrthyt dy vot yn|galedach no
maen. kystal yỽ hynny a|dywedut dy vot yn vỽy pecha+
dur noc araỻ. Pony chyweist* di|gynneu chwedyl y gỽr a
roes y da o|e dri|gweis. a|pha|delỽ y dywaỽt ef ỽrth y|deu da.
a|r trydyd a|vu was drỽc. yr hynny ual kynt. edrych di a
eỻych vot yn gyffelyb y|r hỽnn a|gymerth y pump besaỽnt
y|gynnydu ac y enniỻ o·honunt. Ef a|welir ymi eissy+
oes ohonaỽ ef ytti mỽy. kanys pỽy bynnac a|edrychei
hoỻ vilwyr y|byt hỽnn. ny cheffit o|rod duỽ ar vn o·hon+
unt mỽy noc a|roeys y ti. kanys ef a|roeys ytt tegỽch a
synnỽyr y adnabot drỽc dros y da. Y·gyt a|hynny ef a|ro+
es ytt hyder a|chedernyt. y·gyt a|hynny ef a|roes ytt gal+
lon da ehalaeth. kỽbyl o hynn oỻ a|echwynnaỽd duỽ ytt
yr bot yn varchaỽc urdaỽl idaỽ ef. Ac ny roes ef ytti hyn+
ny oỻ yr eu coỻi. namyn yr eu hamylhau. a thitheu a vu+
ost gyndrỽc gỽas ac y gedeweist ef. ac yr|aethyost y wassa+
naethu y elyn yr hỽnn a|oed yn ryvelu arnaỽ. Ef a|eỻir
dy gyffelybu di y|r ryuelỽr drỽc yr hỽnn a|edewis y arglwyd
gỽedy kael y gyfloc ymlaen ỻaỽ. a|gỽedy hynny ef a|aeth
y ryuelu yn erbyn y|arglwyd y·gyt a|e elyn. veỻy y gỽna ̷+
ethost ditheu. pan|daruu y Jessu grist roi ytti y rodyon tec
a|roes ytt. titheu a|aethost y wassanaethu y kythreul. yr|hỽnn
| « p 29v | p 30v » |