LlGC Llsgr. Peniarth 14, tud.101-90 – tudalen 163
Ystoria Judas
163
y|map dywan ac ny feidiei ef yr hynny. ac o|r|diw+
ed y|dyuawt y urenhines wrthaw nat|oed uap ef
idi hi namyn map dywan ac erchi idaw beid+
aw a|e map hi A|medylyaw a|oruc Judas yna
a|llidiaw a|llad map y|brenhin. A|ffo gyt a|ched+
ymdeithyon ydaw hyt ykarusalem ac ym+
wasgu a|oruc a|llys bilatus a|oed raclaw yno
yna. a|ffa beth bynnac a|archei bilatus idaw
y|wneuthur Judas a|e gwenei* ar yr amneit llei+
af yny oed garuaf gwas euo gan bilatus o|e
holl weission Ac yna y|rodes ydaw medyant
y holl daoed A|diwyrnawt yd ar* argarun* bi+
batus o|e lys e|hun perllan dec a|e
llawn ffrwyth arnei o aual eu. a|r+
uben tat Judas bieuhoed y|ber llan a|d+
amweiniaw a|oruc Pilatus caffel peth o|r
aualeu ac ny|mei* uot hepdunt. Sef a|oruc
Judas yna yn diannot mynet yr berllan
a chymryt peth o|r aualeu ac ar hynny
dyuot ruben ataw ac ymwarauun ac ef
ac nyt adwynyat ur|un onadunt y|gilid
a chywira a orugant ac ymlad yn|diannot
a|llad ruben a|oruc Judas yna a|e adaw yn
| « p 162 | p 164 » |